સ્ટ્રકચર તથા કિસાન પરિવહન યોજનાઓની સહાયના મંજુરીપત્રોનું વિતરણ કરાશે
(નઝીર પાંડોર દ્વારા, માંગરોળ) : ખેડુતોના કલ્યાણને વરેલી રાજય સરકારે ખેડુતોની આવક ડબલ કરવાના ભાગરૂપે આત્મનિર્ભર પેકેજ અંતર્ગત ‘સાત પગલા ખેડુત કલ્યાણના’ હેઠળ સાત જેટલી નવી યોજનાઓ અમલમાં મૂકી છે. જે પૈકી મુખ્યમંત્રી પાક સંગ્રહ સ્ટ્રકચર યોજના અને કિસાન પરિવહન યોજનાના લાભાર્થીઓને મંજુરીના હુકમોનું વિતરણ મંત્રીશ્રીઓના હસ્તે તા.૧૦/૯/૨૦૨૦ના રોજ બારડોલી, માંડવી અને કામરેજ ખાતે થશે. સામાજિક ન્યાય અને અધિકારીતા મંત્રીશ્રી ઈશ્વરભાઈ પરમારના હસ્તે સવારે ૧૦.૦૦ વાગે બારડોલી નગરપાલિકા ટાઉન હોલ ખાતે બારડોલી, પલસાણા અને મહુવા તાલુકાના ખેડુતોને મંજુરીપત્રોનું વિતરણ થશે. જયારે આરોગ્ય રાજયમંત્રીશ્રી કિશોરભાઈ કાનાણી અને સાંસદ શ્રીમતિ દર્શનાબેન જરદોશના હસ્તે સવારે ૧૦.૦૦ વાગે માંડવીના કૃષિ મંગલ હોલ ખાતે માંડવી, માંગરોળ અને ઉમરપાડાના ખેડુતોને તથા કામરેજના ઉમા મંગલ હોલ ખાતે બપોરે ૩-૦૦ વાગે કામરેજ, ઓલપાડ અને ચોર્યાસી તાલુકાના લાભાર્થીઓને મંજુરી હુકમોનું વિતરણ થશે આ અવસરે રાજયકક્ષાએથી મુખ્યમંત્રીશ્રી વિડીયો કોન્ફરન્સના માધ્યમથી ખેડુતોને સંબોધન કરશે, એમ જિલ્લા ખેતીવાડી અધિકારી સુરત દ્વારા જણાવાયું છે.
About The Author
