સુરત જિલ્લામાં ઉમરપાડા, માંડવી અને મહુવા ખાતે વિશ્વ આદિવાસી દિન’ની ઉજવણી કરવામાં આવશે
(નઝીર પાંડોર દ્વારા, માંગરોળ) : આદિવાસી સમાજની ભવ્ય અને ઐતિહાસિક વિરાસત, પરંપરાગત વારસો અને અસ્મિતાને ઉજાગર કરવાના ભાગરૂપે તા.૯મી ઓગસ્ટને ‘વિશ્વ આદિવાસી દિવસ’ તરીકે ઘોષિત કરવામાં આવ્યો છે. જળ, જમીન, જંગલ અને પર્યાવરણ સાથે જોડાયેલ આદિવાસી સંસ્કૃતિને ઉજાગર કરવા સમગ્ર રાજ્યના વિવિધ આદિવાસી જિલ્લાઓમાં ૯મી ઓગસ્ટના રોજ આદિવાસી દિનની ઉજવણી કરવાનું નિર્ધારિત કરાયું છે. સુરત જિલ્લામાં જુદા જુદા સ્થળોએ આદિવાસી દિવસની ઉજવણી થશે. તા.૯મીના રોજ પ્રવાસન, મત્સ્યોદ્યોગમંત્રી જવાહરભાઈ ચાવડાના અધ્યક્ષસ્થાને સવારે ૧૦.૦૦ વાગે ઉમરપાડા તાલુકાની મામલતદાર કચેરી ખાતે તથા અન્ન અને નાગરિક પુરવઠા વિભાગના રાજયમંત્રી ધમેન્દ્રસિંહ જાડેજા અધ્યક્ષસ્થાને માંડવી હાઈસ્કુલ ખાતે વિશ્વ આદિવસી દિવસની ઉજવણી થશે. આ ઉપરાંત મહુવા તાલુકાના માલીબા સાંસ્કૃતિક ભવન, જે.એચ.ભકત હાઈસ્કુલના કંપાઉન્ડમાં ધારાસભ્ મોહનભાઇ ઢોડિયાની ઉપસ્થિતિમાં કાર્યક્રમનું આયોજન કરવામાં આવ્યું છે. એમ પ્રાયોજન વહીવટદાર માંડવી દ્વારા જણાવાયું છે.
About The Author
