વ્યારાની શિશુ/વિદ્યા ગુર્જરી શાળામાં નવરાત્રી પર્વની ઉજવણી કરાઈ
(પ્રતિનિધિ દ્વારા, વ્યારા) : શ્રી અરૂણા અનિલ વ્યારા પ્રદેશ વિકાસ પ્રતિષ્ઠાન સંચાલિત શિશુ/વિદ્યા ગુર્જરી શાળામાં તા.20/10/2023 ને શુક્રવારના રોજ આદ્યશક્તિની આરાધનાના પર્વના છઠા નોરતે શાળામાં નવરાત્રી પર્વની ઉજવણી કરવામાં આવી.
આ પ્રસંગે સંસ્થાના મંત્રી માનનીય શ્રી નિખિલભાઈ શાહ તેમજ સંસ્થાના ટ્રસ્ટી માન.શ્રી ચિરાગભાઈ કોઠારી માતાજીની આરતીમાં ઉપસ્થિત રહ્યા.તેમના હસ્તે માતાજીની આરતી કરવામાં આવી મા જગદંબાની આરતી કરી તેમણે સૌનું કલ્યાણ થાય એ માટે પ્રાથના કરી મા આદ્યાશક્તિની આરાધના આટલી સુંદર હોય શકે આટલી આનંદદાયક હોય શકે તેવો અનુભવ વિદ્યાર્થીઓને નાનપણથી જ નવરાત્રી દરમિયાન થતો હોય છે. વિદ્યાલયમાં પણ વિદ્યાર્થઓને ઈશ્વર પ્રણીધાન સમજાય એ હેતુથી ઉત્સવ અને પર્વની ઉજવણી કરવામાં આવી નવરાત્રીનો ઉત્સવ આપણે શાસ્ત્રોક્ત રીતે ઉજવીએ છીએ. ગીત,સંગીત અને નૂત્યની ત્રિવેણી દ્વારા ઈશ્વરની આરાધના વિદ્યાર્થીઓને આનંદ અને રોમાંચની અનુભૂતિ કરાવે છે. તેની સાથે જ વિદ્યાર્થીઓએ ગરબાની રમઝટ બોલાવી નાના-નાના ભુલકાઓ પણ ગરબાને તાલે ઘૂમ્યા સાથે સાથે સૌ શિક્ષકશ્રીઓ તેમજ વાલીઓ પણ ગરબાને તાલે ઘૂમ્યા. આમ, આનંદ ઉત્સવની સાથે સ્પર્ધાનો માહોલ પણ જામ્યો
. આ પ્રસંગે શાળામાં નિર્ણાયક તરીકે માન. શ્રીમતી તેજલબેન ચિરાગભાઈ કોઠારી અને વ્યારાના અગ્રણી દાંતના ડોકટર માન.શ્રી શ્રીમતિ જાનકીબેન ચિરાયુભાઈ શાહ ઉપસ્થિત રહ્યા. સ્પર્ધાના અંતે નિર્ણાયકશ્રીઓના હસ્તે સૌ બાળકોને ઈનામ વિતરણ કરવામાં આવ્યુ તેમણે સૌ બાળકોને પ્રોત્સાહિત કર્યા અને સૌને યોગ્ય માર્ગદર્શન પણ પૂરુ પાડવામાં આવ્યું. આમ, શાળામાં ભકિતભાવ પૂર્વક આદ્યાશક્તિ માતાના પર્વની ઉજવણી કરવામાં આવી.સૌ વિજેતા વિદ્યાર્થીઓને શાળા પરિવાર તરફથી અભિનંદન પાઠવવામાં આવ્યા છે.
About The Author
