હુન્ડાઇ વેરના કારમાં ઇંગ્લીશ દારૂની હેરાફેરી કરતા બે આરોપીઓને ઝડપી પાડતી એલ.સી.બી./ પેરોલ- ફર્લો સ્કોર્ડ તાપી
(પ્રતિનિધિ દ્વારા) : આજરોજ આર.એમ. વસૈયા, પી.આઈ. એલ.સી.બી.તાપીની સુચના અને માર્ગદર્શન હેઠળ પો.સ.ઈ. પી.એમ. હઠિલા એલ.સી.બી. તાપીના પોલીસ સ્ટાફ સાથે સોનગઢ પોલીસ સ્ટેશન વિસ્તારમા પેટ્રોલીંગમાં નિકળેલ હતા. તે દરમ્યાન અ.પો.કો. રવિન્દ્રભાઈ મહેન્દ્રભાઇ તથા અ.પો.કો. રાહુલભાઇ દિગંબરભાઇને સંયુક્ત રીતે બાતમી મળી હતી કે “એક સિલ્વર કલરની હુન્ડાઇ કંપનીની વેરના કાર નં.-GJ-08-CK-8845 મા બે લોકો મહારાષ્ટ્રના નવાપુરથી ઇંગ્લીશ દારૂનો જથ્થો ભરી હાઇવે પરથી પસાર થઇ સુરત તરફ જનાર છે “ જે બાતમી આધારે સોનગઢ, નવા આરટીઓ પર અલગ અલગ છુટાછુવાયા ટીમમાં વોચમાં રહેતા ઉચ્છલ તરફથી બાતમીવાળી હુન્ડાઇ કંપનીની સિલ્વર કલરની વેરના કાર આવતા તેને પોલીસે ઉભુ રાખાવી આ વેરના ફોર વ્હીલ ગાડી ચેક કરતા તેમા ભારતીય બનાવટની વિદેશી દારૂની બાટલીઓ ભરેલ હતી. આરોપી- (૧) પ્રદિપભાઇ લખુમલભાઇ વાધવા ઉ.વ.૩૬ હાલ રહે રંગભવન સામે મફતનગર સિંધુનગર ભાવનગર તા.જી.ભાવનગર મુળ રહે- પોપટપરાની બાજુમા સિવમપાર્ક-૩ રેલનગર, પાર્થ સ્કુલ પાસે રાજકોટ શહેર (૨)અમિતભાઇ સુરેશભાઈ સાહિત્ય ઉ.વ.૩૬ રહે- દુર્ગા કોલ ડીપો, જુનુ સિંધુનગર ભાવનગર તા.જી.ભાવનગર એ વગર પાસપરમીટે પોતાના કબ્જાની હુન્ડાઇ વેરના કાર નં. GJ-08-CK-8845, આશરે કિ.રૂ.૫૦,૦૦૦/- ની મા ભારતીય બનાવટની વિદેશી દારૂની અલગ અલગ બ્રાન્ડની બોટલો મળી કુલ બોટલ નંગ-૫૦ જેની કુલ કિં.રૂ. ૭૩,૦૦૦/- ના પ્રોહી મુદ્દામાલની હેરાફેરી કરતા પોતાના મોબાઇલ ફોન નંગ-૦૨ આશરે કિ.રૂ.૧૦,૦૦૦/- મળી કુલ કિ.રૂ.૧,૩૩,૦૦૦/- ના પ્રોહી મુદ્દામાલ સાથે પકડી પાડી અન્ય એક આરોપીને વોન્ટેડ જાહેર કરી આગળની વધુ કાર્યવાહી માટે વ્યારા પોલીસ સ્ટેશનને સોંપેલ છે.
કામગીરી કરનાર ટીમ :-
પો.સ.ઇ.શ્રી, પી.એમ.હઠીલા, એલ.સી.બી.તાપી તથા અ.હે.કો. જગદિશ જોરારામ, અ.હે.કો. જયેશભાઇ લીલકીયાભાઇ, અ.હે.કો. અનિરૂધ્ધસિંહ દેવસિંહ, અ.પો.કો. પ્રકાશભાઇ રામાભાઇ, અ.પો.કો.રવિન્દ્રભાઇ મહેન્દ્રભાઇ, તથા પેરોલ સ્કોર્ડ, તાપીના અ.પો.કો. રાહુલભાઇ દિગંબરભાઇ, અ.પો.કો. દિપકભાઇ સેવજીભાઇએ કામગીરી કરેલ છે.
About The Author
