સોનગઢ સરકારી કોલેજ ખાતે હેલ્મેટ અને ટ્રાફિક અવેરનેસ કાર્યક્રમ યોજાયો
ગંગા સમગ્ર તાપી પ્રાંત, સોનગઢ સરકારી કોલેજ અને સોનગઢ પોલીસ સ્ટેશનના સંયુક્ત ઉપક્રમે ૨૦૦ જેટલા વિદ્યાર્થીઓને માર્ગ સલામતી અને ડ્રગ્સ અંગે જાગૃત કરાયા
સોનગઢ, તા. ૨૦ ઓગસ્ટ, ૨૦૨૬: માર્ગ અકસ્માતોમાં થતા મૃત્યુને ઘટાડવા અને નાગરિકોમાં ટ્રાફિક નિયમો અંગે જાગૃતિ વધારવાના હેતુથી ગંગા સમગ્ર તાપી પ્રાંત, સરકારી વાણિજ્ય અને વિનયન કોલેજ સોનગઢ તથા સોનગઢ પોલીસ સ્ટેશનના સંયુક્ત ઉપક્રમે તા. ૨૦ ઓગસ્ટ, ગુરુવારના રોજ સોનગઢ સરકારી કોલેજ ખાતે હેલ્મેટ અવેરનેસ, ટ્રાફિક અવેરનેસ અને ડ્રગ્સ અવેરનેસ કાર્યક્રમનું આયોજન કરવામાં આવ્યું હતું.
રાજ્યમાં માર્ગ સુરક્ષાને પ્રાથમિકતા આપીને દ્વિચક્રી વાહનચાલકો હેલ્મેટનો ફરજિયાત ઉપયોગ કરે અને માર્ગ અકસ્માતોમાં ગંભીર ઇજાઓ તથા મૃત્યુના પ્રમાણમાં ઘટાડો થાય તે માટે કાર્યક્રમ દરમિયાન વિદ્યાર્થીઓને હેલ્મેટના મહત્વ અંગે માહિતગાર કરવામાં આવ્યા હતા.
હેલ્મેટ પહેરવાના ફાયદા અંગે વિદ્યાર્થીઓને માર્ગદર્શન
કાર્યક્રમમાં દ્વિચક્રી વાહન ચલાવતી વખતે માપસરનું અને યોગ્ય રીતે બાંધેલું હેલ્મેટ પહેરવું કેટલું મહત્વપૂર્ણ છે, તે અંગે વિદ્યાર્થીઓને સમજ આપવામાં આવી હતી. અકસ્માતની સ્થિતિમાં માથાને ગંભીર ઈજાથી બચાવવામાં હેલ્મેટ મહત્વની ભૂમિકા ભજવે છે. સાથે જ ટ્રાફિક સિગ્નલનું પાલન, વાહનની ઝડપ નિયંત્રિત રાખવી, વાહન ચલાવતી વખતે મોબાઈલ ફોનનો ઉપયોગ ન કરવો અને અન્ય ટ્રાફિક નિયમોનું પાલન કરવા અંગે પણ જાગૃતિ ફેલાવવામાં આવી હતી.
ડ્રગ્સના દુષ્પરિણામો અંગે પણ જાગૃતિ
SOG તાપી દ્વારા કાર્યક્રમ દરમિયાન ડ્રગ્સ અવેરનેસ અંગે પણ વિદ્યાર્થીઓને માર્ગદર્શન આપવામાં આવ્યું હતું. નશીલા પદાર્થોના સેવનથી વ્યક્તિના સ્વાસ્થ્ય, પરિવાર અને સમગ્ર સમાજ પર થતી ગંભીર અસરો અંગે સમજ આપવામાં આવી હતી. યુવાનો નશાથી દૂર રહે અને સ્વસ્થ તથા જવાબદાર જીવનશૈલી અપનાવે તે માટે જાગૃતિનો સંદેશ આપવામાં આવ્યો હતો.
૨૦૦ જેટલા વિદ્યાર્થીઓની ઉપસ્થિતિ
આ જાગૃતિ કાર્યક્રમમાં સોનગઢ સરકારી વાણિજ્ય અને વિનયન કોલેજના આશરે ૨૦૦ જેટલા વિદ્યાર્થીઓ ઉપસ્થિત રહ્યા હતા. કાર્યક્રમમાં કોલેજના આચાર્ય શ્રી રાજેશ પટેલ, સોનગઢ પોલીસ સ્ટેશનના પો.ઇન્સ. શ્રી ડી.વી. ઢોલા, પોલીસ સ્ટાફ, પો.ઇન્સ. શ્રી શર્મા, ગંગા સમગ્ર તાપીના શ્રી સંજયભાઈ શાહ સહિતના પદાધિકારીઓ અને SOG તાપીના પોલીસ સ્ટાફના માણસો ઉપસ્થિત રહ્યા હતા.
આ પ્રસંગે ઉપસ્થિત મહાનુભાવોએ વિદ્યાર્થીઓને માર્ગ સલામતીના નિયમોનું પાલન કરવા, પોતે હેલ્મેટ પહેરવા તેમજ પરિવારજનો અને મિત્રો પણ હેલ્મેટ પહેરે તે માટે પ્રેરિત કરવા અનુરોધ કર્યો હતો.
યુવાનોમાં જાગૃતિ લાવવાનો પ્રયાસ
માર્ગ અકસ્માતો અને નશાખોરી જેવા ગંભીર સામાજિક પડકારો સામે યુવાનોમાં જાગૃતિ લાવવી સમયની જરૂરિયાત છે. આવા કાર્યક્રમો દ્વારા વિદ્યાર્થીઓમાં ટ્રાફિક નિયમો પ્રત્યે જવાબદારી, હેલ્મેટના ફરજિયાત ઉપયોગ અને નશામુક્ત જીવન અંગે જાગૃતિ કેળવવાનો પ્રયાસ કરવામાં આવ્યો હતો.
સોનગઢ ખાતે યોજાયેલ આ કાર્યક્રમ દ્વારા “સુરક્ષિત સફર માટે હેલ્મેટ જરૂરી અને સુરક્ષિત સમાજ માટે નશાથી દૂર રહેવું જરૂરી” એવો મહત્વપૂર્ણ સંદેશ આપવામાં આવ્યો હતો.
○○○
સૌથી મહત્વપૂર્ણ બાબતથી ચૂકશો નહીં.
👉🏻 ગુજરાત રક્ષા હમણાં જ ડાઉનલોડ કરો અને માહિતીની શક્તિથી સુરક્ષિત રહો !
_______________
About The Author
