ડાંગ જિલ્લામાં ઉજવાઈ રહ્યું છે “ગંદકી મુક્ત ભારત અભિયાન”
૧૫મી ઓગષ્ટ-૨૦૨૦ સુધી વિવિધ જનજાગૃતિના કાર્યક્રમો યોજાશે
(અર્જુન જાધવ દ્વારા, વઘઇ) : પેય, જળ અને સ્વછતા વિભાગ, જળશક્તિ મંત્રાલય ભારત સરકાર દ્વારા અને મહાત્માં ગાંધીજીની સાર્ધ શતાબ્દીની ઉજવણીના અવસરે દેશભરમાં સ્વચ્છ ભારત મિશન (ગ્રામીણ) અંતર્ગત તારીખ ૮/૦૮/૨૦૨૦ થી ૧૫/૦૮/૨૦૨૦ સુધી ગંદકી મુક્ત ભારત અભિયાનની ઉજવણી કરવામાં આવનાર છે ત્યારે ડાંગ જિલ્લામાં પણ આ અભિયાન અંતર્ગત વિવિધ કાર્યક્રમો યોજવામાં આવી રહ્યા છે.જિલ્લા વિકાસ અધિકારી શ્રી એચ.કે.વઢવાણીયા અને જીલ્લા ગ્રામ વિકાસ એજન્સી ના નિયામક આર.બી.ચૌધરી ના દેખરેખ અને માર્ગદર્શન હેઠળ ડાંગ જિલ્લાને પણ ગંદકીમુક્ત બનાવવા અને સ્વચ્છતા બાબતની જાગૃતિ લાવવા વિવિધ કાર્યક્રમો તા. ૧૫ ઓગસ્ટ સુધી યોજવામાં આવી રહ્યા છે.જેમાં તા. ૮ ઓગસ્ટના રોજ જિલ્લાના સરપંચો સાથે જિલ્લા વિકાસ અધિકારીશ્રીની અધ્યક્ષતામાં ઇ-રાત્રી સભા યોજવામાં આવી હતી. તા. ૯ ઓગસ્ટના રોજ વિવિધ ગામના સરપંચશ્રીઓએ ગામમાંથી પ્લાસ્ટીક એકત્રિત કરીને ગામમાં સફાઇ અભિયાન ચલાવ્યું હતું.તા. ૧૦ ઓગસ્ટના રોજ વિવિધ ગામોમાં શ્રમદાનની પ્રવૃતિ, જાહેર ઇમારતોની સાફસફાઇ-વ્હાઇટવોશ, ઓડીએફ પ્લસનું શિક્ષણ અને જાગૃતિ માટેના કાર્યક્રમો યોજાયા હતા. ઉપરાંત આ બાબતે માર્ગદર્શન મેળવવા ટોલ ફ્રી નંબર ૧૮૦૦૧૮૦૦૪૦૪ ની માહિતી પણ અપાઇ હતી.તા. ૧૧ ઓગસ્ટે ગ્રામ્ય કક્ષાએ જાહેર સ્થળો, દિવાલો ઉપર વોલ પેઇન્ટીંગ દ્વારા ગ્રામજનોમાં સ્વચ્છતા બાબતે જાગૃતિ આણવાના કાર્યક્રમો યોજાયા હતા . તા.૧૨ ઓગસ્ટના રોજ ગ્રામ્ય કક્ષાએ શ્રમદાન અને વૃક્ષારોપણનું આયોજન કરવામાં આવ્યું હતું . તા.૧૩ ઓગસ્ટના રોજ ‘ગંદકી મુકત મારૂ ગામ’ ના થીમ પર ઓનલાઇન ચિત્ર સ્પર્ધા ઘોરણ ૬ થી ૮ ના વિદ્યાર્થીઓ વચ્ચે અને નિબંઘ સ્પર્ધા ઘોરણ ૯ થી ૧૨ ના વિદ્યાર્થીઓ વચ્ચે યોજાશે. .૧૪ ઓગસ્ટના રોજ પ્રાથમિક આરોગ્ય કેન્દ્રમાં સ્વચ્છતા અંગેનુ આયોજન, તા.૧૫ ઓગસ્ટના રોજ સામાન્ય સભામાં ગામને ઓડીએફ પ્લસ ઘોષિત કરવાનુ રહેશે. આ સ્વચ્છતા અભિયાનમાં લોકો સ્વેચ્છાએ જોડાઇ રહ્યાં છે અને ગામને સ્વચ્છ રાખવાની જવાબદારી આપણી પોતાની છે એમ સમજી સહયોગ આપી રહ્યાં છે.આમ ડાંગ જિલ્લામાં ૧૫ મી ઓગસ્ટ સુધી વિવિધ કાર્યક્રમો યોજાશે
About The Author
