તળપદા કોળી પટેલ સમાજનું ગૌરવ : અગસ્તિ ઈન્ટરનેશનલ સ્કૂલની વિધાર્થીની અદિતિ પટેલનો ધો. ૧૦ની પરીક્ષામાં ઝળહળતો દેખાવ
(પ્રતિનિધિ દ્વારા, ઓલપાડ) : એસ.એસ.સી. બોર્ડની ધોરણ ૧૦ ની પરીક્ષાનાં પરિણામમાં અંકલેશ્વર નગરની અગસ્તિ ઈન્ટરનેશનલ સ્કૂલની પ્રતિભાવંત વિધાર્થીની અદિતિ ધર્મેશકુમાર પટેલે શાળામાં તૃતિય ક્રમ હાંસલ કરી શાળા, સમાજ તેમજ પરિવારનું ગૌરવ વધારેલ છે.
અંકલેશ્વર નગરની હાંસોટ રોડ સ્થિત ત્યાગીનગર સોસાયટીની રહીશ અદિતિ પટેલે ૬૦૦ માંથી ૫૭૮ ગુણ મેળવી ૯૬.૩૩ ટકા સાથે ૯૯.૭૨ પર્સન્ટાઇલ હાંસલ કરેલ છે. અદિતિએ વિષયવાર પણ ઉત્તમ પ્રદર્શન કરેલ છે. તેણીએ વિજ્ઞાન વિષયમાં ૧૦૦ માંથી ૧૦૦ ગુણ, સામાજિક વિજ્ઞાનમાં ૧૦૦ માંથી ૧૦૦ ગુણ તેમજ ગણિત વિષયમાં ૧૦૦માંથી ૯૭ ગુણ મેળવી અપેક્ષિત સિદ્ધિ હાંસલ કરી છે, જે સિદ્ધિનો શ્રેય અદિતિએ પોતાનાં પિતા ધર્મેશકુમાર, માતા અનિલાબેન તથા દાદીમાં રમીલાબેનને આપ્યો હતો. પોતાનાં પ્રતિભાવમાં તેણીએ જણાવ્યું હતું કે મારી સફળતા પાછળ મારા શિક્ષકોનું યોગ્ય માર્ગદર્શન હતું કે જેમણે મને નિયમિત મહેનત અને શિસ્તબદ્ધ અભ્યાસની સતત સલાહ બક્ષી. અદિતિ પટેલની આ ઝળહળતી સિદ્ધિ બદલ તેનાં પરિવારજનો, શાળા પરિવાર સહિત મિત્રમંડળે અભિનંદન સાથે શુભેચ્છા પાઠવી હતી.
સૌથી મહત્વપૂર્ણ બાબતથી ચૂકશો નહીં.
👉🏻 ગુજરાત રક્ષા હમણાં જ ડાઉનલોડ કરો અને માહિતીની શક્તિથી સુરક્ષિત રહો !
________________
ગુજરાત રક્ષા અખબારનાં વધુ અપડેટ અને સમાચારો મેળવવા માટે whatsapp ગ્રુપમાં જોડાવો, અહીં કલીક કરો.
_________________
👉🏻 JOIN OUR TELEGRAME CHANNEL 👈🏻
https://t.me/gujaratraksha
About The Author
