ભરૂચની SVMIT એન્જીિનીયરીંગ કોલેજનાં વિદ્યાર્થીની GTU ની ખો-ખો ટીમમાં પસંદગી
Contact News Publisher
(પ્રતિનિધિ દ્વારા, ઓલપાડ) : ગુજરાત ટેકનોલોજીકલ યુનિવર્સિટી દ્વારા ગત તા.17 સપ્ટેમ્બરનાં રોજ ખો-ખોની રમત માટે ટીમ સિલેક્શન કેમ્પનું આયોજન કિર્તિસ્થંભ ગુજરાત ક્રિડા મંડળ, વડોદરા ખાતે કરવામાં આવ્યું હતું. જેમાં 165 થી વધુ વિદ્યાર્થીઓએ ભાગ લીધો હતો. જે પૈકી GTU ની ખો-ખો ટીમમાં પાંચમા ક્રમે SVMIT કોલેજનાં કેમિકલ ડિપાર્ટમેન્ટનાં વિદ્યાર્થી નિર્મલ કે. પઢીયારની પસંદગી થવા પામી હતી. પોતાની કોલેજનું ગૌરવ વધારનાર આ વિદ્યાર્થીને સૌએ અભિનંદન પાઠવ્યા હતાં. ચપળ રમતવીર નિર્મલ પઢીયારને કોચ સમીર પટેલ તથા પ્રિન્સિપાલ ડૉ. દિપક દેઓરે જરૂરી માર્ગદર્શન પૂરું પાડયું હતું.
વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.
About The Author