ડાંગ જિલ્લાનાં વઘઈ ખાતે ટામેટાનો જથ્થો ભરેલ આઈસર ટેમ્પો બેકાબુ બની માર્ગની સાઈડમાં આવેલ એક ઘરમાં ઘુસી જતા જંગી નુકશાની
Contact News Publisher
(અર્જુન જાધવ દ્વારા, વધઈ) : પ્રાપ્ત વિગતો અનુસાર આજરોજ વહેલી સવારે મહારાષ્ટ્રનાં નાસિક તરફથી ટામેટાનો જથ્થો ભરી સુરત તરફ જઈ રહેલ આઈસર ટેમ્પો.ન. જી.જે.22. યુ.3160 જે સાપુતારાથી વઘઇને જોડતા આંતર રાજય ધોરીમાર્ગનાં વઘઇ નગરનાં નાકા ફળીયા પાસે ચાલક દ્વારા અચાનક સ્ટેયરીંગ પરનો કાબૂ ગુમાવી દેતા આ આઈસર ટેમ્પો બેકાબુ બની માર્ગની સાઈડમાં આવેલ દિવ્યેશભાઈનાં ઘરમાં ઘૂસી જતા અફરા તફરીનો માહોલ સર્જાયો હતો. જોકે ઘરની અંદર સૂઈ રહેલા તમામ વ્યક્તિઓનો ચમત્કારિક બચાવ થયેલ છે. આ અકસ્માતનાં બનાવમાં ઘરને જંગી નુકસાન થયુ હતુ. હાલમાં વઘઇ પોલીસની ટીમે અકસ્માતનો ગુનો નોંધી વધુ તપાસ હાથ ધરી હોવાનું જાણવા મળેલ છે.
About The Author