ડાંગ જિલ્લાના હાટ બજારમો વીજ બિલ ચુકવણીની સુવિધા
DGVCL દ્વારા વીજ ગ્રાહકોનો મુસાફરી ખર્ચ બચાવવા પૂર્વપટ્ટી વિસ્તારના હાટ બજારમા વિજ બિલ ચૂકવણીની સુવિધા ઉપલબ્ધ કરાવાઈ
–
(અર્જુન જાધવ દ્વારા, વધઈ) : તા: ૪: વીજ કંપનીના વડી કચેરીના આદેશ અનુસાર દક્ષિણ ગુજરાત વીજ કંપની-આહવાની કચેરી દ્વારા ડાંગ જિલ્લાના પુર્વપટ્ટી વિસ્તારના લોકોના સમય અને મુસાફરી ખર્ચની બચત થાય તે હેતુસર, વીજકર્મીઓ દ્વારા સાપ્તાહિક હાટ બજારોમા વીજ બિલ ચુકવણીની વ્યવસ્થા કરવામા આવી હતી.
પુર્વપટ્ટી વિસ્તારના ગારખડી હાટ બજારમા વીજકર્મીઓ દ્વારા સ્થળ ઉપર જ બિલ ચૂકવણીની સુવિધા આપતા વીજ ગ્રાહકોએ વીજકર્મીઓની આ પ્રવૃતિને આવકારી હતી.
આ શૃંખલાને આગળ ધપાવતા આગામી બુધવારના રોજ સુબિર તેમજ શુક્રવારના રોજ પિપલદહાડ ખાતે પણ આજ રીતે ગ્રામીણ પ્રજાજનોના વીજ બિલના નાણાં સ્વિકારવામા આવશે, તેમ નાયબ ઈજનેર શ્રી વી.ડી.પટેલે ગ્રામજનોને ઘર આંગણે ઉપલબ્ધ આ સેવાનો લાભ લેવા અનુરોધ કરાયો છે.
–
About The Author
