તાપી જીલ્લાના યુવક યુવતિઓ માટે 26 સપ્ટેમ્બરે જિલ્લાકક્ષાના રોજગાર/એપ્રેન્ટીસશીપ ભરતી મેળો યોજાશે
માહિતી બ્યુરો,વ્યારા-તાપી તા.23 જિલ્લા રોજગાર વિનિમય કચેરી-વ્યારા દ્વારા તાપી જિલ્લાના રોજગારવાંચ્છુ યુવક-યુવતીઓ માટે રોજગારીની તક મળી રહે તે હેતુસર તા. ૨૬/૦૯/૨૦૨૨ ના રોજ શ્યામા પ્રસાદ ટાઉન હોલ,વ્યારા ખાતે સવારે 8:30 કલાકે જિલ્લાકક્ષાના રોજગાર ભરતી મેળાનું આયોજન કરવામાં આવેલ છે. આ ભરતી મેળામાં જિલ્લા અને જિલ્લા બહારની વિવિધ કંપનીઓમાં ૧૦૦ થી વધુ ખાલી રહેલ જગ્યા ભરવા માટે ઉપસ્થિત રહશે.
રોજગારવાંચ્છુ ઉમેદવારોને પોતાની લાયકાત અને કૌશલ્ય મુજબ રોજગાર પસંદગીની બહોળી તક મળી રહે તથા ખાનગીક્ષેત્રના એકમોને કૌશલ્યયુક્ત માનવબળ મળી રહે તેવા ઉદ્દેશયથી ખાનગીક્ષેત્રના એકમોને તેઓના એકમ ખાતે ખાલી પડેલ જગ્યાઓની વિગત જિલ્લા રોજગાર કચેરી-વ્યારાના ઈ-મેલ આઈ.ડી. mcctapi@gmail.com પર મોકલવા અથવા અનુબંધમ વેબ પોર્ટલ https://anubandham.gujarat.gov.in પર નોંધણી અપલોડ કરવા આમંત્રીત કરવામાં આવે છે. વધુ માહિતી માટે જિલ્લા રોજગાર વિનિમય કચેરી, વ્યારાના રોજગાર સેતુ કોલસેન્ટર નંબર. ૬૩૫૭૩૯૦૩૯૦ પર સંપર્ક કરવા જણાવાયુ છે.
૦૦૦૦૦
About The Author
