સહાયક માહિતી નિયામકશ્રી નિનેશ ભાભોરના અધ્યક્ષસ્થાને તાપી જિલ્લા કક્ષા યુવા ઉત્સવ 2022 યોજાયો
યુવા ઉત્સવમાં 15 જેટલી કૃતિઓમાં 350 સ્પર્ધકોએ ઉત્સાહભેર ભાગ લીધો
………………..
માહિતી બ્યુરો,વ્યારા,તાપી:- ૧૩ સહાયક માહિતી નિયામકશ્રી નિનેશ ભાભોરના અધ્યક્ષસ્થાને તથા મદદનીશ શૈક્ષણિક નિરીક્ષક શીતલબેન પટેલ, જિલ્લા યુવા વિકાસ અધિકારી અમૃતાબેન ગામીતની ઉપસ્થિતીમાં ઇન્ડિયન પેરાડાઈમ સ્કુલ, કાનપુરા ખાતે તાપી જિલ્લા કક્ષા યુવા ઉત્સવ 2022 યોજાયો હતો.
આ પ્રસંગે અધ્યક્ષસ્થાનેથી શ્રી નિનેશ ભાભોરે સૌ સ્પર્ધકોને પ્રોત્સાહિત કરતા જણાવ્યું હતું કે, આપ સૌ જિલ્લા કક્ષાની સ્પર્ધાઓમાં પહોચ્યા છો એ ખુબ જ ગર્વની બાબત છે. તેમણે સૌ નિર્ણાયકોને તટસ્થ રહી કામગીરી નિભાવવા અનુરોધ કર્યો હતો.
આ કાર્યક્રમમાં તાલુકા કક્ષાએ થી જિલ્લા કક્ષાએ આવેલ કુલ કૃતિઓ – ૧૫ પૈકી જેમાં સાહિત્ય વિભાગ, કલા વિભાગ અને સાંસ્કૃતિક વિભાગની વકૃત્વ સ્પર્ધા, નિબંધ, ચિત્રકલા, ભજન, એક પાત્રિય અભિનય જેવી વિવિધ સ્પર્ધાઓમાં કૂલ-350 સ્પર્ધકોઓ ઉત્સાહભેર ભાગ લીધો હતો.
આ પ્રસંગે શાળાના ટ્રસ્ટી અનિલભાઈ વેકરીયા, શાળા પરિવાર અને સ્પર્ધકો ઉપસ્થિત રહ્યા હતા.
0000000000000
About The Author
