ગીરીમથક સાપુતારા ખાતે રેસ્ટોરન્ટમાં આગ લાગતાં અફરાતફરીનો માહોલ સર્જાયો હતો
(અર્જુન જાધવ દ્વારા, વઘઈ) : ગીરીમથક સાપુતારા ખાતે પેટ્રોલ પંપ તરફ જતાં રસ્તા ઉપર સ્ટાર વેજ કાઠિયાવાડી રેસ્ટોરન્ટમાં ભીષણ આગ લાગી છે ઘટનાની જાણ થતા સાપુતારા ફાયર ફાઇટર પહોંચી સતત પાણીનો મારો ચલાવી આગને કાબૂમાં લીધી હતી. પરંતુ આગ કાબૂમાં આવે તે પહેલા જ આખી રેસ્ટોરન્ટ બળીને ખાખ થઇ ગઇ હતી. રેસ્ટોરન્ટ માં આગે વિકરાળ સ્વરૂપ ધારણ કરતાં અફરાતફરી મચી જવા પામી હતી જયારે આ આગ લાગવા પાછળનું કારણ અકબંધ છે જોકે રેસ્ટોરન્ટમાં આગ ક્યાં કારણોસર લાગી તે હજુ સુધી જાણી શકાયું નથી. આગ લાગવા પાછળનું કારણ જાણવા માટે પોલીસે તપાસ હાથ ધરી છે. ઘટનાને પગલે લોકોના ટોળા એકત્ર થઇ ગયા હતા. થોડીવાર માટે તો અફરાતફરીનો માહોલ જોવા મળ્યો હતો અને લોકોમાં નાસભાગ મચી ગઇ હતી. જોકે સદનસીબે આ બનાવમાં કોઇ જાનહાનિ સર્જાય નથી પરંતુ આગમાં રેસ્ટોરન્ટમાં રહેતાં માલિકનો ઘર વકરીનો સામાન સંપૂર્ણ બળી ને ખાખ થઈ ગયો છે.
About The Author
