કામરેજ સુગર ફેક્ટરીમાં પીપોદરા ઝોન ઉપર અફઝલ ખાન પઠાણનો ૯૪ મતે ભવ્ય વિજય : વર્તમાન પ્રમુખનો થયો કારમો પરાજય
(નઝીર પાંડોર દ્વારા, માંગરોળ) :હાલમાં ગુજરાત રાજ્યમા સહકારી મંડળીઓની વ્યવસ્થાપક બોર્ડની રચનાં માટે ચૂંટણીઓ યોજાઈ રહી છે.જેને પગલે સહકારી ક્ષેત્રે ચૂંટણીઓનો માહોલ જામ્યો છે. જેમાં કામરેજ સુગર ફેકટરીની ચૂંટણીમાં અશ્વિનભાઈ પટેલ (દાઢી)ની પેનલ માથી માંગરોળ તાલુકાનાં પીપોદરા ઝોન ઉપર અફઝલખાન પઠાણ અને સુગર ફેકટરીના વર્તમાન પ્રમુખ જયેશભાઇ પટેલ વચ્ચે રસા કસીનો ચુંટણી જંગ ખેલાયો હતો, ગઈકાલે તારીખ ૧૯ મી ડિસેમ્બરનાં રોજ આ માટે મતદાન રાખવામાં આવ્યું હતું. જે માટે તડકેશ્વર અને કીમ ચારરસ્તા ખાતે આમ બે મતદાન બુઠોમાં મતદાન કરવામાં આવ્યું હતું. જ્યારે આજે તારીખ ૨૦ મી ડિસેમ્બરનાં રોજ આ મતદાનની મત ગણતરી કામરેજ સુગર ફેકટરી ખાતે રાખવામાં આવી હતી. મત ગણતરી પૂર્ણ થયા બાદ પરિણામની ચૂંટણી અધિકારી એ જાહેરાત કરતાં માંગરોળ તાલુકાનાં પીપોદરા ઝોન ઉપરનાં ઉમેદવાર અફઝલખાન પઠાણ ને ૯૪ મતે વિજેતા જાહેર કરવામાં આવતાં, એમનાં હરીફ ઉમેદવાર અને સુગર ફેક્ટરીનાં વર્તમાન પ્રમુખ જયેશભાઇ પટેલનો કારમો પરાજય થયો છે. પરિણામ જાહેર થયા બાદ અફઝલખાન પઠાણનાં સમર્થકોએ ફુલહાર પહેરાવી ભવ્ય સ્વાગત કર્યું હતું.
About The Author
