પર્યાવરણ દિવસ નિમિત્તે ગ્રામ પંચાયતો, શાળાઓ અને આરોગ્ય કેન્દ્રોમાં સઘન સફાઈ ઝુંબેશ
Contact News Publisher

તાપી જિલ્લામાં ‘સ્વચ્છ ભારત મિશન ગ્રામીણ’ અંતર્ગત સામુુુુહિક સ્વચ્છતા પર વિશેષ ભાર
—
નાગરિકોની સક્રિય ભાગીદારીથી જાહેર સ્થળો અને રસ્તાઓ કચરામુક્ત કરાયા
—
(પ્રતિનિધિ દ્વારા, વ્યારા) : , તા. ૦૬. : તાપી જિલ્લાના નાગરિકોમાં સ્વચ્છતા પ્રત્યે જાગૃતિ આવે અને ગ્રામીણ સ્તરે જનભાગીદારી સુનિશ્ચિત થાય તેવા ઉમદા આશય સાથે ‘સ્વચ્છ ભારત મિશન — ગ્રામીણ’ દ્વારા સમગ્ર જિલ્લામાં વ્યાપક પ્રચાર-પ્રસાર અને સફાઈ ઝુંબેશ હાથ ધરવામાં આવી છે. ‘વિશ્વ પર્યાવરણ દિવસ’ ને અનુલક્ષીને જિલ્લાના તમામ તાલુકાઓની ગ્રામ પંચાયતો ખાતે વિશેષ પ્રવૃત્તિઓનું આયોજન કરવામાં આવ્યું હતું.
ગ્રામીણ વિસ્તારમાં કચરાના યોગ્ય નિકાલ માટે તમામ તાલુકા કક્ષાએ ગ્રામ પંચાયતોમાં ઘન કચરા વ્યવસ્થાપન અંગે અગત્યની બેઠકો યોજવામાં આવી હતી. આ બેઠકોમાં ગ્રામજનોને સૂકા અને ભીના કચરાના વ્યવસ્થાપન વિશે વિસ્તૃત માર્ગદર્શન આપી સ્વચ્છતા જાળવવા અપીલ કરાઈ હતી.

પર્યાવરણની સુરક્ષા અને સ્વચ્છતાના સંદેશને જન-જન સુધી પહોંચાડવા માટે વિવિધ પ્રચાર-પ્રસારના માધ્યમોનો ઉપયોગ કરવામાં આવ્યો હતો. જનભાગીદારીથી ગ્રામ પંચાયતોના જાહેર સ્થળોએ સામુહિક સ્વચ્છતા કાર્યક્રમો યોજાયા હતા. જેમાં સ્થાનિક રસ્તાઓ, સરકારી મકાનો અને જાહેર પરિસરોની સાફ-સફાઈ કરવામાં આવી હતી.
ખાસ કરીને બાળકો અને દર્દીઓના સ્વાસ્થ્યને કેન્દ્રમાં રાખીને જિલ્લાની તમામ પ્રાથમિક શાળાઓ અને સ્થાનિક આરોગ્ય કેન્દ્રોની આસપાસના વિસ્તારોમાં સઘન સાફ-સફાઈ કરવામાં આવી હતી. આ લોકઝુંબેશમાં તાપી જિલ્લાના એસબીએમના કર્મચારીઓ, ગ્રામજનો ઉત્સાહભેર જોડાયા હતા.
○○○
સૌથી મહત્વપૂર્ણ બાબતથી ચૂકશો નહીં.
👉🏻 ગુજરાત રક્ષા હમણાં જ ડાઉનલોડ કરો અને માહિતીની શક્તિથી સુરક્ષિત રહો !
________________
