વિશ્વાસ મહિલા બચત જૂથની આત્મનિર્ભરતા તરફની પ્રેરણાદાયી સફર
(પ્રતિનિધિ દ્વારા, વ્યારા) : તાપી જિલ્લાના વ્યારા તાલુકામાં કાર્યરત વિશ્વાસ મહિલા બચત જૂથ એ મહિલાઓના સશક્તિકરણ અને આત્મનિર્ભરતા માટે એક ઉત્તમ ઉદાહરણ પૂરું પાડ્યું છે. આ જૂથની મહિલાઓએ પોતાની મહેનત, લગન અને યોગ્ય માર્ગદર્શન દ્વારા સ્વરોજગારનો માર્ગ અપનાવી સફળતા હાંસલ કરી છે.
આ જૂથને સેન્ટર ઓફ એક્સલન્સ ઇન એક્વાકલ્ચર, ઉકાઈ – કામધેનુ યુનિવર્સિટી દ્વારા “વેલ્યુ એડેડ ફિશ પ્રોડક્ટ ટ્રેનિંગ” આપવામાં આવી હતી. આ તાલીમ દરમિયાન મહિલાઓને માછલીમાંથી વિવિધ મૂલ્યવર્ધિત ઉત્પાદનો બનાવવાની પ્રક્રિયા, સ્વચ્છતા, પેકેજિંગ અને માર્કેટિંગ અંગે પ્રાયોગિક તેમજ સિદ્ધાંત આધારિત માર્ગદર્શન આપવામાં આવ્યું હતું.
તાલીમ બાદ, વિશ્વાસ મહિલા બચત જૂથના પ્રમુખ શ્રીમતિ લીલાબેન ગામીત અને વિશ્વાસ મહિલા બચત જૂથની મહિલાઓએ પોતાની ક્ષમતાનો ઉપયોગ કરીને સ્વરોજગાર શરૂ કર્યો. તેઓએ માછલી આધારિત વિવિધ ઉત્પાદનો જેમ કે ફિશ કટલેટ, ફિશ પકોડા, ફિશ ફ્રાય, ફિશ પાપડ તેમજ અન્ય સ્વાદિષ્ટ અને પોષણયુક્ત વાનગીઓ બનાવવાનું શરૂ કર્યું. તેમની બનાવેલી વસ્તુઓ સ્થાનિક બજારમાં ખૂબ જ લોકપ્રિય બની રહી છે.
આ વ્યવસાય દ્વારા મહિલાઓને નિયમિત આવક પ્રાપ્ત થવા લાગી છે, જેના કારણે તેમના પરિવારની આર્થિક સ્થિતિમાં સુધારો થયો છે. સાથે સાથે, તેઓ સમાજમાં પણ આત્મવિશ્વાસ સાથે ઉભી રહી શકી છે. જૂથની એકતા અને સંકલન શક્તિએ તેમને વધુ મજબૂત બનાવી છે.
વિશ્વાસ મહિલા બચત જૂથની આ સફળતા અન્ય મહિલાઓ માટે પણ પ્રેરણારૂપ બની છે. યોગ્ય તાલીમ અને માર્ગદર્શન મળે તો મહિલાઓ પણ સ્વરોજગાર દ્વારા આત્મનિર્ભર બની શકે છે તે આ જૂથએ સાબિત કર્યું છે.
આ રીતે, સેન્ટર ઓફ એક્સલન્સ ઇન એક્વાકલ્ચર, ઉકાઈ અને કામધેનુ યુનિવર્સિટીના માર્ગદર્શન હેઠળ વિશ્વાસ મહિલા બચત જૂથએ એક સફળ વ્યવસાય સ્થાપિત કરીને “આર્થિક સશક્તિકરણ”નું ઉત્તમ ઉદાહરણ પૂરું પાડ્યું છે.
ગુજરાત રક્ષા અખબારનાં વધુ અપડેટ અને સમાચારો મેળવવા માટે whatsapp ગ્રુપમાં જોડાવો, અહીં કલીક કરો.
About The Author
