ઉમરપાડા થી માંડવી જતાં માર્ગ ઉપર ઉમરપાડાથી ચાર કીમી દૂર બે મોટરસાયકલો અથડાતાં બે ના મોત, અન્ય બે સારવાર માટે સુરત ખસેડાયા
(નઝીર પાંડોર દ્વારા, માંગરોળ) : ઉમરપાડા થી માંડવી જતાં માર્ગ ઉપર ઉમરપાડા પોલીસ મથકની હદમાં ઉમરપાડાથી ચાર કીમી દૂર બે મોટરસાયકલો અથડાતાં બે ના મોત થયા છે. જ્યારે અન્ય બે ને સારવાર માટે સુરતની સીવીલ હોસ્પિટલ ખાતે લઈ જવામાં આવ્યા છે.ઘટનાં સ્થળે થી પ્રાપ્ત થયેલી માહિતી મુજબ ગત રાત્રી દરમિયાન, સુરત જિલ્લાના ઉમરપાડા થી માંડવી જતાં માર્ગ ઉપર, ઉમરપાડા પોલીસ મથકની હદમાં ઉમર-પાડાથી ચાર કીલોમીટર દૂર ઉમરપાડા તાલુકાની હદમાં બે મોટરસાયકલ ચાલકો સામ સામે અથડાતાં બે મોટર સાયકલો ઉપર સવાર કુલ ચાર શખ્સોને ગંભીર ઇજા ઓ થવા પામી હતી.બનાવ બન્યા બાદ આ માર્ગ ઉપર થી પસાર થતાં અન્ય રાહદારીઓએ ૧૦૮ ને જાણ કરતાં ૧૦૮ ની ટીમ ઘટનાં સ્થળે આવી પોહચી હતી.અને ચારે ચાર ઘાયલોને નજીકની સરકારી હોસ્પિટલમાં સારવાર માટે લઈ જવામાં આવ્યા હતા.જ્યાં ફરજ પરના તબીબે આશિષ વિજય વસાવા, ઉંમર ૨૧ વર્ષ,રહેવાસી ગોવટ તથા યોગેશભાઈ પ્રતાપભાઈ વસાવા, ઉંમર ૨૫ વર્ષ, રહેવાસી જુમવાડી ને મૃત જાહેર કર્યા હતા.જ્યારે અન્ય બે અંકિતાબેન યોગેશભાઈ વસાવા,ઉંમર ૨૦ વર્ષ,રહેવાસી જુમવાડી, વિશાલભાઈ ધરમસિંગ વસાવા, ઉંમર ૨૦ વર્ષ, રહેવાસી ગોવટ ને પ્રાથમિક સારવાર આપી વધુ સારવાર માટે સુરતની સીવીલ હોસ્પિટલ ખાતે લઈ જવામાં આવ્યા છે.
About The Author
