ડાંગ 173 વિધાનસભા ચૂંટણીમાં ઐતિહાસિક જીત મળ્યા બાદ સમર્થકોએ વિજય સરઘસ કાઢી વિજયભાઇ પટેલનું ભવ્ય સ્વાગત કર્યું
(અર્જુન જાધવ દ્વારા, વઘઈ) : ડાંગ 173 વિધાનસભા ચૂંટણીમાં ભાજપનો ઉમેદવાર વિજયભાઇ પટેલની જંગી બહુમતીથી ઐતિહાસિક જીત મળ્યા બાદ સમર્થકોએ આહવા ,વઘઇ, અને સુબિરમાં વિજય સરઘસ કાઢી વિજયભાઇ પટેલનું ભવ્ય સ્વાગત કર્યું હતું.
ડાંગ જિલ્લામાં વિધાનસભા ચૂંટણીમાં ભાજપનો મળેલ ઐતિહાસિક વિજય બાદ કાર્યકરો સહિત ભાજપ પક્ષમાં ખુશી ની લહેર વ્યાપી જવા પામી હતી.10 નવેમ્બરે યોજાયેલ મત ગણતરીમાં ભાજપ કોંગ્રેસના સીધી લડત વચ્ચે ભાજપે શરૂઆત થી જ લીડથી ખાતું ખોલાવ્યા બાદ 60 હજાર ના જંગી મતોથી ભાજપ ઉમેદવાર વિજયભાઇ પટેલનો જલ્લવંત જીત મેળવી હતી. વર્ષોથી કોંગ્રેસનો ગઢ ગણાતો ડાંગ જિલ્લામાં કોંગ્રેસના ધારાસભ્ય પદેથી મંગળ ગાવીતે રાજીનામું આપ્યા બાદ કોંગ્રેસી સરપંચો, કાર્યકર્તા તાલુકા જિલ્લા પંચાયત ના સદસ્યો સાગમટે ભાજપની કંઠી ધારણ કરી વિજયભાઇ પટેલને ભવ્ય જીતમાં ભાગીદાર બન્યા હતા. આઝાદી બાદ પેટા ચૂંટણીમાં ભાજપ ને ન ભૂતો ન ભવિષ્ય જંગી મતો મળતા કોંગ્રેસ છાવણીમાં સન્નાટો વ્યાપી જવા પામ્યો છે. આ વિજય સરઘસમાં સંગઠન પ્રભારી અશોકભાઈ ધોરજીયા,કરશનભાઇ પટેલ,પાર્ટી પ્રમુખ દશરથભાઈ પવાર,મહામંત્રી કિશોર ગાવીત,માજી ધારાસભ્ય મંગળ ગાવીત,રાજેશ ગામીત,વીનેશ ગાવીત ,જીતુભાઈ પટેલ,માજી પાર્ટી પ્રમુખ ઘનશ્યામભાઈ પટેલ,દિલીપભાઈ ચૌધરી,બાબુરાવભાઈ ચૌર્યા,સહિત મોટીસંખ્યામાં કાર્યકર્તાઓ ઉપસ્થિત રહ્યા હતા.
About The Author
