જિલ્લા શિક્ષક સંઘે નવ નિયુક્ત સુરતના DPEO ર્ડો.દરજીનો સત્કાર સમારંભ યોજ્યો
(નઝીર પાંડોર દ્વારા, માંગરોળ) : સુરત જિલ્લા પ્રાથમિક શિક્ષક સંઘ દ્વારા નવા નિમાયેલા સુરત જિલ્લા પ્રાથમિક શિક્ષણાધિકારીનો સત્કાર સમારંભ પારડી કણદે પ્રાથમિક શાળા ખાતે સુરત જિલ્લા પ્રાથમિક શિક્ષક સંઘના પ્રમુખ કિરીટ પટેલની અઘ્યક્ષતામા યોજાયો છે. જિલ્લા પ્રાથમિક શિક્ષણાધિકારી ર્ડો દીપકભાઈ દરજીને કિરીટ પટેલ, વિશ્વજીત ચૌધરી, અરવિંદ ચૌધરી, અનિલ ચૌધરી તેમજ અન્ય હોદ્દેદારો દ્વારા બુકે અને સાલ ઓઢાડી અને સ્મૃતિભેટ આપીને સત્કારવામાં આવ્યા હતા સત્કાર કરવા બદલ ર્ડો દિપકભાઈ દરજીએ જિલ્લા સંઘનો આભાર માન્યો હતો તેમજ પોતાના પ્રવચનમા ગુણવત્તા સભર શિક્ષણ ઉપર ભાર મૂકી શિક્ષકો ને મળતા લાભોમા એકપણ દિવસ વિલંબ થશે નહી એમ જણાવ્યું હતુ, કિરીટભાઈએ પોતાના પ્રવચમા સુરત જિલ્લા સંઘ આપની સાથે સહકારમા રહીને કાર્ય કરશે એમ જણાવ્યું હતુ. આ કાર્યક્રમમા જિલ્લા સંઘના હોદ્દેદારો, રાજ્ય સંઘના હોદ્દેદારો, પ્રચારમંત્રી, ઓડિટરો, તાલુકા સંઘના પ્રમુખ-મંત્રી હાજર રહ્યા હતા.
About The Author
