સોનગઢ નગરપાલિકાની ચુંટણી : પ્રમુખ ટપુભાઈ ભરવાડ, ઉપપ્રમુખ ભાવનાબેન ગામીત બિનહરિફ જાહેર
(પ્રતિનિધિ દ્વારા, વ્યારા) : આજરોજ તા . ૨૪/૦૮/૨૦૨૦ ને સોમવારના રોજ બપોરે ૧૨.૦૦ કલાકે મે.નાયબ કલેક્ટર અને પ્રાંત અધિકારીશ્રી તાપી – વ્યારાની અધ્યક્ષતામાં નગરપાલિકા સભાખંડમાં સોનગઢ નગરપાલિકા પ્રમુખ ઉપપ્રમુખની ચુંટણી કરવા માટે દ્વિતિય સામાન્ય બેઠક રાખવામાં આવેલ હતી. જેમાં પ્રથમ ૧૨.૦૧ મીનીટે તમામનું સ્વાગત કરી સભા શરૂ કરવામાં આવી ત્યારબાદ શ્રી ટપુભાઈ હોથીભાઈ ભરવાડ દ્વારા પ્રમુખની ઉમેદવારી માટે તથા શ્રીમતી ભાવનબેન સુનીલભાઈ ગામીત દ્વારા ઉપપ્રમુખની ઉમેદવારી માટે ફોર્મ આવેલ હતા. પ્રમુખ તથા ઉપપ્રમુખની ઉમેદવારી માટે ફક્ત એક – એક જ ઉમેદવારી ફોર્મ આવેલ હોય જેમાં શ્રી ટપુભાઈ હોથીભાઈ ભરવાડને સમય ૧૨,૧૫ કલાકે બિનહરીફ પ્રમુખ તરીકે અને શ્રીમતી ભાવનાબેન સુનીલભાઈ ગામીતને સમય ૧૨,૨૫ કલાકે બિનહરીફ ઉપપ્રમુખ તરીકે પ્રાંત અધિકારીશ્રી તાપી દ્વારા જાહેર કરવામાં આવ્યા હતા, પ્રમુખ ઉપપ્રમુખ માટે બીજા અન્ય કોઈ ઉમેદવારી ફોર્મ આવેલ ન હોય આજની દ્વિતિય સામાન્ય બેઠક પુર્ણ જાહેર કરવામાં આવેલ હતી.
About The Author
