મુસ્લિમ ધર્મ ગુરુ મૌલાના ઉસ્માન પાલનપુરીનું અવસાન થતાં મુસ્લિમ સમાજ શોકમાં ગરકાવ
(નઝીર પાંડોર દ્વારા, માંગરોળ) : માંગરોળ તાલુકાના મોટી નરોલી ખાતે આવેલ મદ્રેસા સુલેમાનીયામાં ટીચર તરીકે બજાવતાં અને જગ વિખ્યાત આલીમ કારી અહમદ અલી બમ્બવી સાહેબનાં અંગત સલાહકાર અને પડછાયા તરીકે પાછલા ૩૦ વર્ષોથી વધારે સમય સાથે રેહનારા મૌલાના ઉસ્માન પાલનપુરી એ આ દુનિયાને કાયમ માટે અલ વિદા કરી છે, મૂળ ગુજરાતનાં પાલનપુર વિસ્તારનાં રેહવાસી અને વર્ષો થી સુરતમાં રહેતા આવેલા અને હાલમાં માંગરોળ તાલુકાના કીમ ચારરસ્તા ખાતે રોયલ સોસાયટી માં રહેતા હતા, ગઈ કાલે તબિયત બગડતાં સુરત સ્મીમેર હોસ્પિટલ માં ખસેડાયા હતા જ્યાં ટુંકી સારવાર બાદ અવસાન થયું હતું, મૈયતનાં સમાચાર વાયુવેગે ફેલાતા સુરત સહિત સમગ્ર વિસ્તારનાં મુસ્લિમો માં શોક ના વાદળો છવાઈ જવા પામ્યા છે.મોડી સાંજે સુરત જિલ્લા રૂરલ વિસ્તાર ની સામાજિક સંસ્થા યંગ એકતા ફાઉન્ડેશન ટ્રસ્ટ ના પ્રમુખ કુત્બુદ્દીન ભાઈ હાફેજી એ એક વીડિયો શેર કરી લોકો ને દુઆ માટે અપીલ કરી છે.
About The Author
