‘એક જ ચાલે આદિવાસી ચાલે’ પ્રસ્તુતિએ ધૂમ મચાવી

તેજદાન ગઢવી અને તેમની ટીમે સાંસ્કૃતિક કાર્યક્રમમાં દર્શકોને મંત્રમુગ્ધ કર્યા

વ્યારાના સયાજી ગ્રાઉન્ડ ખાતે ‘સેવા સંકલ્પ અભિયાન’ અંતર્ગત યોજાઈ ‘સેવા જ્યોતિ મશાલ યાત્રા’

(માહિતી બ્યુરો દ્વારા, તાપી) : તા. ૦૭. :- વ્યારાના સયાજી ગ્રાઉન્ડ ખાતે ‘સેવા સંકલ્પ અભિયાન’ અંતર્ગત યોજાયેલી ‘સેવા જ્યોતિ મશાલ યાત્રા’ નિમિત્તે એક ભવ્ય સાંસ્કૃતિક કાર્યક્રમનું આયોજન કરવામાં આવ્યું હતું.

આ પ્રસંગે ગુજરાતની લોકસંસ્કૃતિ અને અસ્મિતાને દેશ-વિદેશમાં ઓળખ અપાવનાર ખ્યાતનામ લોકકલાકાર તેજદાન ગઢવી અને તેમની સંગીત ટીમે પોતાની મનમોહક પ્રસ્તુતિઓથી સમગ્ર સભામંડપનમાં ઉપસ્થિત દર્શકોને મંત્રમુગ્ધ કર્યા હતા.

કાર્યક્રમ દરમિયાન તેજદાન ગઢવીએ ગુજરાતના સમૃદ્ધ સાંસ્કૃતિક વારસાને ઉજાગર કરતા લોકગીતો અને દેશભક્તિના ગીતો રજૂ કરીને વાતાવરણમાં અનોખો ઉત્સાહ અને ભક્તિભાવ ભરી દીધો હતો.

ખાસ કરીને તેમની ‘એક જ ચાલે આદિવાસી ચાલે’ પ્રસ્તુતિએ ભારે આકર્ષણ જમાવ્યું હતું અને ધૂમ મચાવી હતી.ઉપસ્થિત તમામ પ્રેક્ષકોએ તાળીઓના ગડગડાટથી કલાકારોને વધાવી લીધા હતા.

સેવા સંકલ્પ અભિયાન અને સેવા જ્યોતિ યાત્રાના માધ્યમથી સમાજસેવા તેમજ સાંસ્કૃતિક મૂલ્યોને જાળવી રાખવાના આ ભગીરથ પ્રયાસને કાર્યક્રમમાં હાજર સૌ કોઈએ મુક્તકંઠે બિરદાવ્યો હતો.

○○○

સૌથી મહત્વપૂર્ણ બાબતથી ચૂકશો નહીં.

👉🏻 ગુજરાત રક્ષા હમણાં જ ડાઉનલોડ કરો અને માહિતીની શક્તિથી સુરક્ષિત રહો !

________________