માંગરોળ તાલુકાનાં ઝંખવાવ ગામની સ્કૂલનાં આચાર્યની વડોદરા ખાતે થયેલી બદલી
(નઝીર પાંડોર દ્વારા, મોટામિયાં માંગરોળ) : માંગરોળ તાલુકાનાં ઝંખવાવ ગામે આવેલ શાંતિનિકેતન હાઈસ્કૂલમાં આચાર્ય તરીકે છેલ્લા સાત વર્ષથી ફરજ બજાવતાં ફાધર પેટ્રીકની વડોદરા ખાતે બદલી કરવામાં આવતાં એમને વિદાય આપવા માટે એક કાર્યક્રમનું હાઈસ્કૂલ ખાતે કરવામાં આવ્યું હતું.
એમની સાત વર્ષની કામગીરીને ગ્રામજનો અને વાલીઓએ બીરદાવી હતી, ગ્રામજનો, વાલીઓ, સ્ટાફ પરિવાર તથા વિદ્યાર્થીઓએ શાલ ઓઢાડી, પુષ્પ ગુચ્છ અને સ્મૃતિભેટ અર્પણ કરી સન્માન કરવામાં આવ્યું હતું. આચાર્ય ફાધર પેત્રીકે ગ્રામજનો, વાલીઓ અને સ્ટાફ પરિવાર દ્વારા સાત વર્ષની ફરજ દરમિયાન જે સાથ અને સહકાર આપ્યો એ બદલ આભરવ્યક્ત કર્યો હતો. આ કાર્યક્રમમાં માંગરોળ તાલુકા પંચાયતની કારોબારી સમિતિનાં ચેરમેન ઉમેદભાઇ ચૌધરી, વેપારી બુરહાનીભાઈ, મુસ્તકભાઈ મુલતાની, ફાધર કિશોરભાઈ, ફાધર સુધાકરભાઈ, સિસ્ટર અનિતાબેન, સ્ટાફ પરિવાર વગેરેઓ હાજર રહ્યા હતા.
About The Author
