નવરાત્રિ પર્વ દરમિયાન અભયમ્ ૧૮૧ મહિલા હેલ્પ લાઈન તાપી ટીમ મહિલાઓની મદદ, માગૅદશૅન અને બચાવ માટે તૈનાત રહેશે
(પ્રતિનિધિ દ્વારા, વ્યારા) : આગામી નવરાત્રી પર્વ દરમિયાન મહિલાઓ અને યુવતીઓ મોટી સંખ્યામા ગરબા સ્થળે એકત્રિત થાય છે જેઓ સાથે કોઈ અનિચ્છનિય ઘટના બને નહીં અને સુરક્ષિત રીતે ગરબા માં ભાગ લઇ શકે તે માટે પોલીસ સાથે અભયમ્ ૧૮૧ મહિલા હેલ્પ લાઈનની ટીમ પણ ફરજ બજાવશે.
ગુજરાત સરકારની અભિનવ હેલ્પ લાઈન મહિલા અને બાળ વિકાસ વિભાગ અને ગૃહ વિભાગ તેમજ ઇ. એમ. આર. આઇ. ગ્રીન હેલ્થ સર્વિસ દ્વારા કાર્યાન્વિત છે જે દિવસે દિવસે મહિલાઓ માં વધુ ને વધુ વિશ્વવનીય અને સાચી સહેલી તરીકે ઉભરી રહી છે.
અભયમ ટીમની ૨૪×૭ સેવાઓ કાયમી હૉય છે જેઓ પિડીત મહિલાઓ ને સમયસર મદદ, માગૅદશૅન અને બચાવ ની અગત્યની કામગીરી ફરજના ભાગ રૂપે બજાવે છે. વિશેષ નવરાત્રિ પર્વ ને ધ્યાનમાં રાખી ગરબા સ્થળે, આજુબાજુ ના વિસ્તારમાં ફરજની સાથે પેટ્રોલિંગ પણ કરશે જેથી કોઈ અઘટિત બનાવ બને નહી અને મહિલાઓ સુરક્ષિત રીતે ગરબા નો આનંદ માણી શકે. ખાસ કરી મહિલાઓ માટે સંદેશ છે કે ગરબામા પરિચિત ગ્રુપ સાથે રહેવુ, કોઇ અજાણ્યા વ્યક્તિ સાથે નાસ્તો કે પીણું પીવું નહી, વધુ વ્યક્તિ ની અવરજવર હૉય તે રસ્તો પસંદ કરવો, અજાણ્યા વ્યક્તિઓ સાથે ફોટો શેર કરવો નહી.
અભયમ સેવાઓ ઝડપ થી મેળવવા માટે પ્લે સ્ટોરમાંથી અભયમ મોબાઇલ એપ્લિકેશન ડાઉનલોડ કરવી જે મુશ્કેલી ના સમયે ઝડપ થી આપના સુઘી સેવાઓ પહોંચાડી શક્શે.
કોઈપણ સતામણી કે શંકા હોય તો તરતજ ૧૮૧ મહિલા હેલ્પ લાઈન કે ૧૦૦ નંબર નો સંપર્ક કરવો.
વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.
About The Author
