સુબીરના ઝરણ ગામની સીમમાં ગોવાડીયા પર દીપડાએ હુમલો કરી ગંભીર ઇજાઓ પહોંચાડી
(અર્જુન જાધવ દ્વારા, વઘઇ) : તા:૦૧, ડાંગ જિલ્લાના અવારનવાર વન્ય પ્રાણીઓના હુમલા ની ધટનાઓ બની રહી છે.જેમાં આજે સુબીર તાલુકા ના ઝરણ ગામનાં જંગલ વિસ્તારમાં બકરા ચરાવવા ગયેલ ગોવાડીયા પર દિપડા એ હુમલો કરી ગંભીર ઇજા પહોંચાડતા તાત્કાલિક સારવાર અર્થે સુબીર રેફરલ હોસ્પિટલમાં ખસેડાયો હતો મળતી માહિતી મુજબ ડાંગ ના સુબીર તાલુકા ના ઝરણ ગામે રહેતા મનાભાઇ ફુલજીભાઇ હીલીમ ઉ.૪૭ શિગાંણા રેંજ માં સમાવિષ્ટ ઝરણ ગામ ની સીમ માં આવેલા ડુંગર ઉપર પર સવારે ૧૦:૦૦ વાગ્યે ના અરસામાં બકરા ચરાવવા ગયેલ હતા તે વેળા એ શિકાર ની શોધમાં જંગલ માંથી અચાનક આવી ચઢેલા ખુંખાર દીપડાએ બકરા ચરાવતા મનાભાઇ પર અચાનક હુમલો કરી માથાના ભાગે પંજા મારી મનાભાઇ હીલીમ ને ગંભીર ઇજાઓ પહોંચાડી હતી વળી ગંભીર રીતે ધવાયેલ મનાભાઇ એ બૂમબરાડા કરતા દિપડો જંગલ તરફ ભાગી છુટ્યો હતો.જોકે દિપડા ના હૂમલા થી ઘવાયેલા મનાભાઇ ને ગ્રામ જનોએ તાત્કાલિક સુબીર ૧૦૮ મારફતે સારવાર અર્થે સુબીર રેફરલ હોસ્પિટલમાં ખસેડ્યા હતા.આ ધટના બનાવ અંગેની જાણ થતા શીંગાણા આરએફઓ ઘટના સ્થળે દોડી વધુ તપાસ હાથ ધરી હતી
About The Author
