સામપુરા પ્રાથમિક શાળામાં વિશ્વ આદિવાસી દિવસની ઉજવણી

(પ્રતિનિધિ દ્વારા, ઓલપાડ) : જિલ્લા પંચાયત શિક્ષણ સમિતિ, સુરત સંચાલિત સામપુરા શાળા માં ૯ મી ઓગસ્ટ વિશ્વ આદિવાસી દિવસની ઉજવણી કરવામાં આવી હતી. આ પ્રસંગે બાળકો પરંપરાગત પોશાક પહેરી ઉત્સાહભેર શાળાએ આવ્યા હતાં.

શાળાનાં મુખ્યશિક્ષક અનિલભાઈ ચૌધરીએ બાળકો સમક્ષ આદિવાસીઓનાં ઈતિહાસની વાતો રજૂ કરી હતી. તેમણે આદિવાસી ખાણું, નાચણું, ઘરેણાં તેમજ બોલી વિષયક માહિતી સાથે બાળકોને વિશ્વ આદિવાસી દિવસની ઉજવણીનો હેતુ સ્પષ્ટ કર્યો હતો. અંતમાં આ વિશેષ દિવસની ઉજવણી આદિવાસી ઢોલનાં તાલે નાચણું અને ગીત સાથે કરવામાં આવી હતી. કાર્યક્રમનું સંચાલન શાળાનાં ઉપશિક્ષિકા સ્નેહલબેન પરમાર દ્વારા કરવામાં આવ્યું હતું.

About The Author

Dharmesh wani

અખબાર વિશે
ગુજરાત રક્ષા – સનસની નહી, સત્ય સમાચારો પહોંચાડતું અખબાર.

તંત્રી : ધર્મેશ વાણી.
ગુજરાત રક્ષા

See author's posts