અજાણી મળી આવેલ મહિલાને આશ્રય અપાવતી અભયમ્ ટીમ તાપી
Contact News Publisher
(પ્રતિનિધિ દ્વારા, વ્યારા) : આજરોજ વ્યારા તાલુકાના ખૂટડીયા ગામ થી જાગૃત નાગરિક એવા ગામના સરપંચ દ્વારા 181 હેલ્પલાઇન પર કોલ આવેલ અને જણાવેલ કે એક અજાણી મહિલા મળી આવેલ છે. જેની મદદ માટે 181 હેલ્પલાઇનની જરૂર છે. અભયમ ટીમ તાત્કાલિક સ્થળ પર પહોંચી સરપંચને મળી હકીકત જાણી તો તેમણે જણાવેલ કે આજે સાંજના સમયથી આ અજાણી મહિલા અહીં આવી છે તેમની ભાષા સમજાતી નથી. વરસાદની મૌસમ છે જેથી મદદ માંગી છે. સ્થળ પર અજાણી મળી આવેલ મહિલા ને મળી કાઉન્સેલિંગ કરતા મહિલા મરાઠી ભાષા બોલતી હતી તેમજ આશરે 65 વર્ષ ની ઉંમરની હતી. તેમનું નામ સરનામું જણવા મળેલ નથી. જેથી મળી આવેલ મહિલા ને વ્યારા ખાતે જનરલ હોસ્પિટલમાં આવેલ સખી વન સ્ટોપ સેન્ટરમાં આશ્રય અપાવેલ છે. આગળ કાર્યવાહી સખી વન સ્ટોપ દ્વારા થશે.
About The Author