SVS-3 કક્ષાના ગણિત વિજ્ઞાન પર્યાવરણ પ્રદર્શનમાં બાલાજી ગર્લ્સની સિધ્ધિ
(પ્રતિનિધિ દ્વારા, ઓલપાડ) : SVS-3 કક્ષાએ વિજ્ઞાન ગણિત પર્યાવરણ પ્રદર્શનનું આયોજન સર વી. ડી. ટી. ગર્લ્સ હાઇસ્કુલ, વનિતા વિશ્રામ, સુરત ખાતે યોજવામાં આવ્યું હતું. જેમાં શ્રીમતી ક.લ.શં. ખાંડવાળા સાર્વજનિક હાઇસ્કુલ ફોર ગર્લ્સમાંથી શાળાનાં આચાર્યા ડૉ. ફાલ્ગુનીબેન પટેલનાં માર્ગદર્શન હેઠળ પાંચ કૃતિ રજૂ કરવામાં આવી હતી. માધ્યમિક વિભાગમાં વિભાગ 1 માં વૈશાલીબેન પટેલનાં માર્ગદર્શન દ્વારા તૈયાર થયેલ કૃતિ Pad free Period એ ત્રીજો ક્રમ પ્રાપ્ત કર્યો હતો જ્યારે ઉચ્ચતર માધ્યમિક વિભાગમાં વિભાગ-3 માં ડૉ. ફાલ્ગુનીબેન પટેલનાં માર્ગદર્શન દ્વારા તૈયાર થયેલ કૃતિ Best from Waste એ પ્રથમ ક્રમ પ્રાપ્ત કર્યો હતો. જે હવે જિલ્લા કક્ષાએ ભાગ લેશે. વિજ્ઞાન મેળામાં ભાગ લીધેલ તમામ વિદ્યાર્થીનીઓ, શિક્ષિકાઓને તેમજ આચાર્યાને શાળાની વહીવટી સમિતિનાં અધ્યક્ષ દેવેન્દ્રભાઈ રંગરેજે અભિનંદન પાઠવ્યા હતાં.
About The Author
