ઓલપાડ તાલુકાની મીંઢી પ્રાથમિક શાળામાં શૈક્ષણિક કીટનું વિતરણ
Contact News Publisher
(પ્રતિનિધિ દ્વારા, ઓલપાડ) : જિલ્લા પંચાયત શિક્ષણ સમિતિ, સુરત સંચાલિત ઓલપાડ તાલુકાની મીંઢી પ્રાથમિક શાળામાં ગામનાં વતની અરવિંદભાઈ નરોત્તમભાઇ પટેલ તરફથી તમામ બાળકોને શૈક્ષણિક કીટનું વિતરણ કરવામાં આવ્યું હતું.
શાળામાં યોજાયેલ એક નાનકડા કાર્યક્રમમાં હાલ સુરત ખાતે રહેતાં અરવિંદભાઈ પટેલ તરફથી મળેલ બાળોપયોગી નોટબુક, બોલપેન, પેન્સિલ, રબર, ફૂટપટ્ટી જેવી વસ્તુઓની કીટ શાળાનાં તમામ બાળકોને વિતરીત કરવામાં આવી હતી. આ તકે અરવિંદભાઈએ સૌ બાળકોને શૈક્ષણિક પ્રગતિ માટે ટેલીફોનિક આશીર્વચન પાઠવ્યા હતાં. શાળાનાં આચાર્યા શ્રીમતી સરોજબેન ચૌધરીએ અરવિંદભાઈની સખાવતને બિરદાવી તેમનો આભાર વ્યક્ત કર્યો હતો. એમ તાલુકાનાં પ્રચાર-પ્રસાર પ્રતિનિધિ વિજય પટેલ એક અખબારી યાદીમાં જણાવે છે.
About The Author