ઓલપાડ તાલુકાની સ્યાદલા પ્રાથમિક શાળામાં તિથીભોજન અપાયું
Contact News Publisher
(ભાવેશ મુલાણી દ્વારા, અંકલેશ્વર) : જિલ્લા પંચાયત શિક્ષણ સમિતિ સુરત સંચાલિત ઓલપાડ તાલુકાની સ્યાદલા પ્રાથમિક શાળામાં અભ્યાસ કરતા તમામ બાળકોને ગામના ઉત્સાહી યુવા સરપંચ શ્રીમતી શિલ્પાબેન કિરીટભાઈ પટેલ, ચંદનબેન પ્રકાશભાઈ પટેલ (અમેરિકા), તથા તેમના સહયોગી મિત્રમંડળ દ્વારા સ્વાદિષ્ટ અને પૌષ્ટિક તિથિભોજન આપવામાં આવ્યું હતું. શાળાના નિર્દોષ ગરીબ બાળકોએ ભરપેટ ભોજન કરી સંતોષ સાથે આનંદ વ્યક્ત કર્યો હતો.
મુળદ સી.આર.સી.કો-ઓર્ડીનેટર હર્ષદભાઈ ચૌહાણ તથા શાળાના મુખ્ય શિક્ષક જયંતીભાઈ પટેલે આ સેવાભાવી મહિલાઓની નિઃસ્વાર્થ સખાવતને બિરદાવી આભાર વ્યક્ત કર્યો હતો. એમ તાલુકાના પ્રચાર-પ્રસાર પ્રતિનિધિ વિજય પટેલ એક યાદીમાં જણાવે છે.
About The Author