વ્યારા વિધાનસભા બેઠક ઉપરથી ભાજપ, આપ અને બીટીપીના ઉમેદવારોએ ફોર્મ ભર્યા
(પ્રતિનિધિ દ્વારા, વ્યારા) : વ્યારા વિધાનસભા બેઠક ઉપરથી ભાજપનાં મોહનભાઈ કોકણી, આપનાં બીપીનચંદ્ર કે ચૌધરી અને બીટીપીના સુનિલભાઈ નાગજીભાઈ ગામીતએ ફોર્મ ભર્યા
વ્યારા 171 વિધાનસભા બેઠક પરથી ભાજપના ઉમેદવાર શ્રી મોહનભાઈ કોકણીએ પોતાના હજારો સમર્થકો સાથે રેલી કાઢી પોતાનું ફોર્મ ભર્યું.
ભરોસાની સરકાર એટલે ભાજપ સરકાર… ના નારા સાથે શ્રી નરેન્દ્ર ભાઈ મોદીની આગેવાનીમાં ગુજરાતમાં ફરી સરકાર બનાવવાની ખાત્રી સાથે આગળ વધી રહી છે ત્યારે વ્યારા 171 ની બેઠક હંમેશા કોંગ્રેસનો ગઢ ગણાતી રહી છે, ત્યારે બીજેપી આ વખતે પરિવર્તન લાવશે કે શું તે જોવું રહ્યું.
વ્યારા 171 વિધાનસભા બેઠક અનુસૂચિત જનજાતિ પર આમ આદમી પાર્ટીના ઉમેદવાર શ્રી બીપીનચંદ્ર કે ચૌધરીએ ફોર્મ ભર્યું.
‘એક મોકો કેજરીવાલને’ ના નારા સાથે ગુજરાતમાં પરિવર્તન લાવવા માટે આમ આદમી પાર્ટી મેદાનમાં છે ત્યારે વ્યારા 171 બેઠક હંમેશા કોંગ્રેસનો ગઢ ગણાતી બેઠક છે ત્યારે દરેક પાર્ટી પોતપોતાનો જીતનો દાવો ઠોકી રહી છે, ત્યારે વ્યારા વિધાનસભા બેઠક પર આમ આદમી પાર્ટી પરિવર્તન લાવશે કે કેમ તે જોવું રહ્યું ?
વ્યારા 171 વિધાનસભા બેઠક પર ભારતીય ટ્રાઇબલ પાર્ટી (BTP) પક્ષના ઉમેદવાર શ્રી સુનિલભાઈ નાગજીભાઈ ગામીતે પોતાનું ફોર્મ ભર્યું.
વ્યારા 171 વિધાનસભા બેઠક અનુસૂચિત જનજાતિ બેઠક પર ઉમેદવાર તરીકે ગામીત સુનિલભાઈ નાગજીભાઈ રહેવાસી પનિયારી જેઓ બી. કોમ.( એલ.એલ.બી) અભ્યાસ ધરાવે છે, હાલ આ બેઠક કોંગ્રેસનો ગઢ ગણાતા, દરેક પક્ષ જીતવાના દાવા કરી રહ્યા છે ત્યારે જોવું રહ્યું કે આ બેઠક કોના હાથમાં આવશે.
About The Author
