ટ્રેનની અડફેટે આવી જતાં કપાઈને મરણ જનાર અજાણ્યા પુરુષના વાલી વારસોની ભાળ મળ્યેથી ભરૂચ રેલ્વે પોલીસને જાણ કરશો
(પ્રતિનિધિ દ્વારા, ભરૂચ) : રેલ્વે પોલીસ પાસેથી મળતી માહિતી મુજબ ભરૂચ રેલ્વે પોલીસ અ.મો. 55/2022. સી.આર.પીસી. કલમ 74 મુજબ મરનાર એક અજાણ્યો માણસ ઉ.વ. 45 ના આશરાનો તા . 13 / 08 /2022 ના કલાક 16/16 વાગ્યાના અરસામાં પાનોલી રેલ્વે સ્ટેશને ડાઉન રેલ્વે મેઈન લાઈન ઉપર ટ્રેન નં. 22659 ડાઉન યોગનગર ઋષિકેસ સુપરફાસ્ટ એક્ષપ્રેસ ટ્રેનની અડફેટમાં આવી જતાં કપાઈ જઈ મરણ પામેલ છે. જે મરનાર ઈસમની આજદિન સુધી ઓળખ થયેલ નથી.
લાશનું વર્ણન – મરનાર એક અજાણ્યો માણસ ઉ.વ. 45 ના આશરાનો. શરીરે મજબુત બાંધાનો, ઉંચાઈ આશરે 5 × 5”, રંગે ઘઉઁ વર્ણનો, માથામાં અઢી ઇંચ જેટલા લાલ- કાળા વાળ, જેણે અંગમાં કાળા કલરનું આખી બાંયનું આછી સફેદ ચોકડીવાળું સફેદ ફુલ ડિઝાઇનવાળું શર્ટ તથા કમરે સલેટીયા કલરનું પેન્ટ પહેરેલ છે. મરનારનો ચહેરો ટ્રેનમાં આવી જતાં સંપૂર્ણ નષ્ટ થઈ ગયેલ છે જેથી ઓળખ થઈ શકે તેમ નથી.
આ મરનાર અજાણ્યા માણસના વાલી વારસોની ઓળખ થાય તો ભરૂચ રેલ્વે પોલીસ સ્ટેશનનાં ફોન નં. 02642-243766 ઉપર અથવા મો.નં. 9925688196 ઉપર સંપર્ક કરવો.
About The Author
