કોસંબા-માંગરોળ-વાંકલ રાજ્ય ધોરીમાર્ગ ઉપર વાંકલ સ્કૂલ પાસે હાઈવા ચાલકે, મોટરસાયકલ ચાલકને અડફેટે લેતાં ગંભીર રીતે ગાયલ, ચાલકની અટક કરતી પોલીસ
(નઝીર પાંડોર દ્વારા, માંગરોળ) : કોસંબા-માંગરોળ-વાંકલ રાજ્ય ધોરીમાર્ગ ઉપર વાંકલ ખાતે આવેલી એન.ડી.દેસાઈ સ્કૂલ સામે થી પસાર થતાં આ માર્ગ ઉપર હાઈવા નંબર જીજે-૨૧-ડબ્લ્યુ-૪૪૪૯ નાં ચાલકે, મોટર સાયકલ નંબર જીજે-૧૯-બીસી-૧૯૧૯ નાં ચાલકને અડફેટે લેતાં મોટર સાયકલ ચાલક ગંભીર રીતે ગાયલ થવા પામ્યો છે. આ માર્ગ ઉપરથી કટવાવ નો અર્પિત ચૌધરી પોતાની ઉપરોક્ત મોટર સાયકલ લઈને પસાર થઈ રહયો હતો.તે દરમિયાન ઉપરોક્ત હાઈવના ચાલકે સ્કૂલની સામે અડફેટે લેતાં અર્પિત ને માથામાં, છાતીમાં,ખભામાં અને જડબામાં ગંભીર ઇજાઓ થઈ હતી.જ્યારે પગમાં ફેક્ચર થવા પામ્યું છે. જેથી અર્પિતને પ્રથમ ઝંખવાવની સરકારી રેફરલ હોસ્પિટલમાં ૧૦૮ ની મદદથી સારવાર માટે લઈ જવામાં આવ્યો હતો. ત્યાંથી બારડોલી ખાતેની સરદાર સ્મારક હોસ્પિટલમાં ત્યારબાદ સુરતની સિમ્સ હોસ્પિટલમાં સારવાર માટે લઈ જવામાં આવતાં આ હોસ્પિટલમાં ICU માં દાખલ કરવામાં આવ્યો છે. જ્યારે માંગરોળ પોલીસે આ બનાવ પ્રશ્ને હાઈવા કબ્જે લઈ, ચાલક દિનેશ પુના ડામોર રહેવાસી દાહોદ ની અટક કરી, FIR દાખલ કરી પોલીસે વધુ તપાસ શરૂ કરી છે.
About The Author
