નેત્રંગ તાલુકાના રાજવાડી ગામે મધમાખીઓ કરડતાં પાંચ લોકોને ઇજા થતાં તેમને સારવાર અર્થે સિવિલ હોસ્પિટલ ખાતે ખસેડવામાં આવ્યા
Contact News Publisher
(નલિન ચૌધરી દ્વારા, ભડકુવા-માંગરોળ) : ભરૂચ જિલ્લાના નેત્રંગ તાલુકાના રાજવાડી ગામમાં રહેતાં રસીલાબેન વસાવા પોતાના ખેતરમાં ઘાસચારો કાપવા માટે ગયાં હતાં. તે દરમિયાન એક વૃક્ષ પર રહેલાં મધપુડાને અચાનક સમડીએ છંછેડયો હતો. જેના કારણે મધપુડા પર રહેલી મધમાખીઓ અચાનક ઉડવા લાગી હતી અને રસીલાબેન સહિત અન્ય પાંચ જે એમની સાથે હતા તે લોકોને પણ ડંખ મારી લીધાં હતાં.
મધમાખીઓ રસીલાબેનના શરીર પર ચોંટી જતાં તેમને ચકકર આવવા લાગ્યાં હતાં અને તબિયત લથડી ગઇ હતી. અને આ બનાવની જાણ થતાં 108ની ટીમ સ્થળ પર પહોંચી ગઈ હતી અને તાત્કાલિક સારવાર આપી રસીલાબેનનો જીવ બચાવી લેવામાં આવ્યો હતો. મધમાખીઓએ અન્ય લોકોને પણ ડંખ માર્યા હતાં પણ તેમની તબિયત હાલ સુધારા પર છે. તમામને સારવાર માટે સિવિલ હોસ્પિટલ ખાતે ખસેડવામાં આવ્યાં હતા.
About The Author