સ્વ. ડૉ. માર્કંડ ભટ્ટના જન્મજયંતિ નિમિત્તે સી. એન. કોઠારી હોમિયોપેથિક મેડિકલ કોલેજ એન્ડ રિસર્ચ સેન્ટર, વ્યારા ખાતે રોલ પ્લે સ્પર્ધા યોજાઈ
(પ્રતિનિધિ દ્વારા, વ્યારા) : કોલેજની રજત જયંતિ ઉજવણી અને સ્વ. ડૉ. માર્કંડ ભટ્ટ સરના જન્મજયંતિના ભાગ રૂપે, સી. એન. કોઠારી હોમિયોપેથિક મેડિકલ કોલેજ એન્ડ રિસર્ચ સેન્ટર, વ્યારાના હોમિયોપેથિક મટેરિયા મેડિકા વિભાગ અને હોમિયોપેથિક મેડિકલ એસોસિએશન ઓફ ઈન્ડિયા (HMAI) વ્યારા યુનિટે રોલ પ્લે સ્પર્ધાનું આયોજન કર્યું હતું. કાર્યક્રમની શરૂઆત સ્વ. ડૉ. માર્કંડ ભટ્ટ સરને પુષ્પાંજલિથી કરવામાં આવી હતી. પ્રિન્સિપાલ મેડમ વતી ડો. બી. બી. મોદી દ્વારા સ્વાગત પ્રવચન, ડો. જે. એન. પટેલ દ્વારા સહભાગીઓ માટે પ્રેરક વક્તવ્ય અને ત્યારબાદ સ્પર્ધા યોજાઈ હતી. વિદ્યાર્થીઓએ હોમિયોપેથિક દવા વ્યક્તિત્વ પર અભિનય કર્યો હતો. ડો. બી. બી. મોદી, ડો. જે. એન. પટેલ અને ડો. ડી. વાય. બિરારી સ્પર્ધાના નિર્ણાયક હતા. વિજેતાઓને પ્રમાણપત્રો અને વિજેતા ઇનામો એનાયત કરવામાં આવ્યા હતા. શ્રી દિનેશભાઈ ભટ્ટ પણ હાજર રહ્યા હતા અને પ્રથમથી પાંચ વિજેતાઓ માટે રૂ. ૫૦૦૧/- ના વિશેષ ઇનામ જાહેર કર્યા હતા. બધા સહભાગીઓને ડો. જે. એન. પટેલ તરફથી સહભાગિતા પ્રમાણપત્ર અને નાની ભેટ પણ આપવામાં આવી હતી. વિદ્યાર્થીઓ માટે ક્વિઝનું આયોજન કરવામાં આવ્યું હતું. વિજેતાને આકર્ષક ભેટ મળી હતી. સમગ્ર કાર્યક્રમનું સંચાલન બીએચએમએસના ચોથા વર્ષના વિદ્યાર્થી શ્રીમતી જીલ ત્રિવેદીએ કર્યું હતું. સમગ્ર કાર્યક્રમનું સંચાલન હોમિયોપેથિક મટેરિયા મેડિકા વિભાગ અને પ્રવૃત્તિ સમિતિના વડા ડો. ડી. વાય. બિરારી દ્વારા પ્રિન્સિપાલ ડો. જ્યોતિ રાવના માર્ગદર્શન હેઠળ સફળતાપૂર્વક કરવામાં આવ્યું હતું.
સ્પર્ધાના વિજેતાઓ:- પ્રથમ – વિજેતા – દિશા વર્મા – દ્વિતીય BHMS. દ્વિતીય – વિજેતા – કૌશલ ઘેવરિયા – ચોથું BHMS. તૃતીય – વિજેતા- વિશ્વા ભાવસાર – આર્ચી પટેલ- તૃતીય BHMS. ચોથું – વિજેતા – કલ્પેશ શાહ- ચોથું BHMS. પાંચમું – વિજેતા – એપેક્સા ઘિનૈયા- ચોથું BHMS. HMAI વ્યારા યુનિટ તરફથી 2 આશ્વાસન ઈનામોમાં પ્રથમ આશ્વાસન ઈનામો – વિશાલ કલસરિયા – ચોથું BHMS, દ્વિતીય આશ્વાસન ઈનામો – સ્નેહા પાંડીદાર – પોર્નિમા મહાજન- ચોથું BHMS
ગુજરાત રક્ષા અખબારનાં વધુ અપડેટ અને સમાચારો મેળવવા માટે whatsapp ગ્રુપમાં જોડાવો, અહીં કલીક કરો.
About The Author
