ધરતી આબા જનભાગીદારી અભિયાન અંતર્ગત ઇ.એમ આર.એસ શાળા ઇન્દુ ખાતે વિદ્યાર્થીઓએ માનવ સાંકળ બનાવી જાગૃતિનો સંદેશો પાઠવ્યો
(પ્રતિનિધિ દ્વારા, વ્યારા) : તા. ૨૭ જૂન. દેશના આદિવાસી વિસ્તારોના સર્વાંગી વિકાસ માટે ભારત સરકારના આદિજાતિ બાબતો મંત્રાલય, નવી દિલ્હી દ્વારા “ધરતી આબા જનજાતિય ગ્રામ ઉત્કર્ષ અભિયાન” હાથ ધરવામાં આવ્યું છે. આ અભિયાન અંતર્ગત આજે તાપી જિલ્લાના વ્યારા સ્થિત ઇ.એમ. આર.એસ. શાળા, ઇન્ધુ ખાતે વિશેષ કાર્યક્રમ યોજાયો હતો.જેમાં શાળાના વિદ્યાર્થીઓએ “ધરતી આબા” ની માનવ સાંકળ બનાવી સમાજમાં જાગૃતિ ફેલાવી હતી.આ માનવ સાંકળ થકી વિદ્યાર્થીઓએ સરકારશ્રીની વિવિધ યોજનાઓનો લાભ લેવા માટે ગ્રામજનોને અનુરોધ કર્યો અને “અધિજાતિ વિકાસ માટે જોડાઈએ” એવો સંદેશો પાઠવ્યો હતો. આ સાથે શાળામાં વિવિધ સ્પર્ધાઓ જેમ કે નિબંધ સ્પર્ધા,રંગોલી,વકૃત્વ સ્પર્ધા જેવી પ્રવૃતિઓ પણ યોજાઇ હતી.
નોંધનિય છે કે,આ અભિયાન અંતર્ગત તાપી જિલ્લાના ૩૬૯ ગામોમાં તા. ૩૦ જૂનથી ૧૫ જુલાઈ સુધી વિશેષ ઝુંબેશ હાથ ધરવામાં આવ્યો છે. જેમાં ૧૭ વિભાગોની સેવાઓ, જેવી કે શિક્ષણ, આરોગ્ય, પોષણ, આવાસ, ખેતી, રોજગારી,આરોગ્ય અને પાયાભૂત સુવિધાઓ અંગે લોક જાગૃતિ અને લાભ વિતરણ કેમ્પો યોજાશે.
આ વિશેષ અભિયાન દરમિયાન શાળા-કોલેજો, આંગણવાડીઓ, આરોગ્ય કેન્દ્રો અને ગ્રામસભાઓમાં જનજાગૃતિ કાર્યક્રમો યોજાઈ રહ્યાં છે. જેમાં નાગરિકોને સરકારી સેવાઓ વિશે માહિતગાર કરવામાં આવી રહ્યા છે અને અવેરનેશ એક્ટિવિટીઝ થકી લાભ લેવા પ્રેરણા આપવામાં આવી રહી છે.
0000
વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.
About The Author
