ડાંગ જિલ્લાનાં વઘઈ નગરમાં બસ સ્ટેન્ડ નજીક પાર્ક કરેલી ટાટા એલપી ટ્રકમાંથી તસ્કરો બેટરી ચોરી કરી ફરાર
(અર્જુન જાધવ દ્વારા, વધઈ) : મળતી વિગતો અનુસાર ડાંગ જિલ્લાનાં વઘઈ નગરનાં ટ્રાન્સપોર્ટનાં ધંધા સાથે સંકળાયેલા મેહુલભાઈ સોહલા જેમણે ગત.13 તારીખનાં રોજ પોતાની માલિકીની ટાટા એલપી ટ્રક નંબર જીજે-05-એવી 7085 ને વઘઈ બસ સ્ટેન્ડની સામે આવેલા મુખ્ય માર્ગની બાજુમાં પાર્ક કરી હતી. જે દરમ્યાન મધ્ય રાત્રીનાં સુમારે કેટલાક બેટરી ચોર તસ્કરો ત્રાટક્યા હતા. અને ટ્રકનાં વાયરો કાપીને એલ.પી ટ્રક ની બેટરી ચોરી કરીને ફરાર થઈ ગયા હતા. જયારે સવારના સુમારે ટ્રકનાં માલિક મેહુલભાઈ સોહલા ટ્રકની સાફ-સફાઈ કમરતા હતા. ત્યારે તેમને બેટરીઓ ચોરાઈ હોવાની જાણ થતા આ અંગે તેઓએ વઘઈ પોલીસ મથકે આવીને લેખિત ફરિયાદ આપીને આ વિસ્તારમાં રાત્રી પેટ્રોલીંગ સઘન કરી બેટરી ચોર તસ્કરોને તાત્કાલિક ધોરણે ઝડપી પાડવાની માંગણી કરી હતી.
વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.
About The Author
