તાલુકા કક્ષાએ યોજાયેલ કલા ઉત્સવની ગાયન સ્પર્ધામાં લવાછાચોર્યાસી પ્રાથમિક શાળાનો વિદ્યાર્થી અંશ પટેલ પ્રથમ
(પ્રતિનિધિ દ્વારા, ઓલપાડ) : જીસીઈઆરટી, ગાંધીનગર પ્રેરિત બ્લોક રિસોર્સ સેન્ટર, ઓલપાડ આયોજીત તાલુકા કક્ષાનો કલા ઉત્સવ અત્રેનાં બી.આર.સી. ભવન ખાતે યોજાયો હતો.
સદર કલા ઉત્સવમાં યોજાયેલ વિવિધ સ્પર્ધાઓ પૈકી સંગીત ગાયન સ્પર્ધામાં લવાછાચોર્યાસી પ્રાથમિક શાળાનો ધોરણ- 8 માં અભ્યાસ કરતાં વિદ્યાર્થી અંશ સતિષભાઈ પટેલે પ્રથમ ક્રમે વિજેતા બની પોતાની શાળા સહિત ગામનું નામ રોશન કરેલ છે. તેને ઉપસ્થિત મહાનુભવોનાં હસ્તે પ્રમાણપત્ર તથા રોકડ પુરસ્કાર અર્પણ કરવામાં આવ્યાં હતાં.
શાળાનાં ઉપશિક્ષિકા યોગેશ્વરી પટેલ માર્ગદર્શિત આ વિદ્યાર્થીને શાળાનાં આચાર્ય મનિષ પટેલ, એસ.એમ.સી. અધ્યક્ષ જ્યોતિ પટેલ, કેન્દ્રાચાર્ય વિનોદ પટેલ, સી.આર.સી. કો-ઓર્ડિનેટર હેમાલી પટેલ સહિત કેન્દ્ર સંલગ્ન પ્રાથમિક શાળાનાં શિક્ષકોએ હાર્દિક અભિનંદન પાઠવ્યા હતાં. એમ પ્રચાર-પ્રસાર પ્રતિનિધિ વિજય પટેલ એક અખબારી યાદીમાં જણાવે છે.
વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.
About The Author
