શિશુ/વિદ્યા ગુર્જરી શાળા પનિયારીમા ‘વસંત પંચમી’ નો ઉત્સવ ઉજવવામા આવ્યો
(પ્રતિનિધિ દ્વારા, વ્યારા: શ્રી અરૂણા અનિલ વ્યારા પ્રદેશ વિકાસ પ્રતિષ્ઠાન સંચલિત શિશુ/વિદ્યા ગુર્જરી શાળામા તા: 14/02/24 ને બુધવારના રોજ મહાસુદ પાંચમે સંગીત, ન્રુત્ય, કલા અને વિદ્યાની દેવી મા સરસ્વતીની ઉપાસનાનુ પર્વ ‘વસંત પંચમી’ નો ઉત્સવ ઉજવવામા આવ્યો. કહેવાય છે કે સરસ્વતી માતાના આશીર્વાદ પ્રાપ્ત કરવાથી અભ્યાસમા ઉન્નતિ કરી શકાય છે. આજથી શરૂ થતી વસંત ઋતુની શરૂઆત શાળાના વિદ્યાર્થીઓએ સરસ્વતી માતાની ઉપાસના દ્વારા કરી.આળસ અને અજ્ઞાન દૂર કરવા માટે સરસ્વતી માતાનું પૂજન કરવામા આવે છે. શિશુ / વિદ્યા ગુર્જરીના બાળકોએ તથા ગુરુજનોએ આજ-રોજ જ્ઞાનનો પીળો રંગ ધારણ કરી શાળાના વાતાવરણને ભક્તિમય અને જ્ઞાનમય બનાવી વસંત પંચમીની ઉજવણી કરી.સૌ બાળકોને પીળો તિલક કરી ગુરુજનો દ્વારા આવકારવામા આવ્યા.
શાળાના શિક્ષિકા શ્રીમતિ અર્પિતાબેન પંચાલ દ્વારા વસંત પંચમીનુ મહત્વ સમજાવવામા આવ્યુ અને કાર્યક્રમને પૂર્ણ વીરામ આપવામાં આવ્યો.
About The Author
