વ્યારા મનકામેશ્વર સ્મશાનભૂમિ ખાતે શીતાગાર શબગૃહ નું લોકાર્પણ
(પ્રતિનિધિ દ્વારા, વ્યારા) : વ્યારા ખાતે શ્રી મનકામેશ્વર સ્મશાન ભૂમિમાં હાલ યુએસએ માં વસતા અને મૂળ વ્યારાના કાનપુરાના નિવાસી નવીનભાઈ ભીખુભાઇ પટેલ તરફથી મળેલા રૂ. 7 લાખના દાનના સહયોગથી બનેલા શીતાગાર શબગૃહ (Morge room)નું લોકાર્પણ કરવામાં આવ્યું. દેવલોક પામેલા સ્વજનોના પર્થિવ દેહ ની અંતિમક્રિયા ન થાય ત્યાં સુધી સાચવવા માટે વ્યારા સ્મશાન ભૂમિમાં શીતગાર શબગૃહ ન હોવાનો પ્રશ્ન ઉદ્ભવતા જે માટે નવીનભાઈ પટેલ પણ ચિંતિત હતા. આ ભગીરથ કાર્ય કરવા તેમણે તતપરતા બતાવી હતી. આજ રોજ નવીનભાઈની ઉપસ્થિતિમાં શીતગાર શબગૃહનું લોકાર્પણ કરવામાં આવ્યું. જે માટે મનકામેશ્વર સ્મશાન ભૂમિ ખાતે યોજાયેલા લોકાર્પણ કાર્યક્રમમાં ટ્રસ્ટીઓ ડાહ્યાભાઈ પટેલ,લલિતભાઈ ખાંટ , ઘનશ્યામભાઈ સોની, સંજયભાઈ પટેલ, અરુણભાઈ રાણા, મહેશભાઈ શાહ, રમેશભાઈ ટેલર સનતભાઇ જોશી તથા નગરના અગ્રણીઓ ડૉ.અજય કનુભાઈ દેસાઈ,પરેશભાઈ મીઠાવાળા, વકીલ જીગ્નેશભાઈ પાટીલ, રમેશભાઈ ટેલર સહીત આગેવાનો ઉપસ્થિત રહ્યા હતા. લોકાર્પણની વિધિ સનતભાઇ જોશીએ કરાવી હતી
About The Author
