નાયબ સેક્શન અધિકારી વર્ગ -૩ પરીક્ષા સંદર્ભે જાહેરનામુ

પરીક્ષા કેન્દ્રોની આજુબાજુના ૧૦૦ મીટરના વિસ્તારમા ફેકસ/ઝેરોક્ષ સેન્ટરો ચાલુ રાખવા પર પ્રતિબંધઃ
……………
તાપી જિલ્લાની વિવિધ શાળા,હાઈસ્કૂલ, કોલેજ ખાતે પરીક્ષા યોજાશે
……………
માહિતી બ્યુરો, વ્યારા-તાપી ૦૯ : ગુજરાત જાહેર સેવા આયોગ દ્વારા નાયબ સેક્શન અધિકારી વર્ગ -૩ ભર્તી માટેની પરીક્ષા સંદર્ભે આગામી તા.૧૬/૧૦/૨૦૨૨ના રોજ સવારે ૧૧:૦૦ થી ૧:૦૦ કલાક દરમિયાન તાપી જિલ્લાની વિવિધ શાળાઓ ,હાઈસ્કૂલો , કોલેજો ખાતે પરીક્ષા યોજાનાર છે. જેથી જિલ્લામાં શાંતિ અને સલામતી જળવાઈ રહે, મુકત વાતાવરણનું નિર્માણ થાય તે માટે અધિક જિલ્લા મેજીસ્ટ્રેટ આર.જે.વલવીએ એક જાહેરનામું પ્રસિધ્ધ કર્યું છે.
આ જાહેરનામા અનુસાર તા.૧૬/૧૦/૨૦૨૨ દરમિયાન સમગ્ર વિસ્તારના પરીક્ષા કેન્દ્રોની આજુ બાજુના ૧૦૦ મીટરના ઘેરાવામાં પરીક્ષા દરમિયાન કોઈ પણ અનઅધિકૃત વ્યકિતઓએ એકત્રિત થવા પર કે હથિયાર, મોબાઈલ લઇ જવા, પરીક્ષા દરમિયાન તેનો ઉપયોગ કરવા ઉપર કે લાઉડ સ્પીકર વગાડવા પર પ્રતિબંધ ફરમાવ્યો છે. આ ઉપરાંત પરીક્ષા કેન્દ્રોની આજુ બાજુના ૧૦૦ મીટરના ધેરાવામાં અને પરીક્ષા સમયના એક કલાક પહેલાથી પરીક્ષા સમય દરમિયાન ઝેરોક્ષ/ફેકસ સેન્ટરો ચાલુ રાખવા પર પ્રતિબંધ ફરમાવ્યો છે. નોધનીય છે કે, ફરજ પરના વ્યકિતઓને આ હુકમ લાગુ પડશે નહિ. આ હુકમનો ભંગ કે ઉલ્લંધન કરનાર શિક્ષાને પાત્ર થશે.

૦૦૦૦૦૦૦૦૦૦

About The Author

Dharmesh wani

અખબાર વિશે
ગુજરાત રક્ષા – સનસની નહી, સત્ય સમાચારો પહોંચાડતું અખબાર.

તંત્રી : ધર્મેશ વાણી.
ગુજરાત રક્ષા

See author's posts