તાપી : નિઝરનાં વાકા ગામે ખેતરના શેઢા ઉપરથી અજાણ્યો વૃદ્ધ મૃત હાલતમાં મળી આવ્યો
(પ્રતિનિધિ દ્વારા, વ્યારા): તાપી જીલ્લાના નિઝર તાલુકાનાં વાકા ગામે આવેલા કપાસના ખેતરનાં શેઢા ઉપર મરણ ગયેલ હાલતમાં વૃદ્ધ મળી આવેલ છે જેના વાલી વારસો મળી આવ્યા નથી. જે અંગે કોઇને ભાળ મળે તો નિઝર પોલીસનો સંપર્ક કરવા જણાવાયું છે.
નિઝર પોલીસ પાસેથી પ્રાપ્ત થતી માહિતી મુજબ, એક અજાણ્યો વૃધ્ધ પુરૂષ ઇસમ જેની ઉ.વ.આશરે ૭૦ થી ૭૫ની કોઇ અગમ્ય કારણોસર તા. ૦૯/૧૨ /૨૦૨૦ કલાક : ૧૭/૦૦ વાગ્યા પહેલા હરકોઇ વખતે મરણ પામેલ હાલતમાં નિઝરનાં વાકા ગામે રાજેશભાઇ નથુભાઇ પટેલનાં સર્વે નં. ૪૬ વાળા કપાસવાળા ખેતરના શેઢા પાસેથી મળી આવેલ છે. જે અંગે નિઝર પોલીસે અક્સમાત મોતનો ગુનો નોંધી આગળની કાર્યવાહી હાથ ધરી છે. તપાસ કરતા તેના કોઇ વાલી વારસો મળી આવ્યા નથી.
ઉપરોકત તસ્વીર અજાણ્યા વૃદ્ધ મૃતકની છે જે અંગે કોઇને તેના વાલી વારસો અંગે કોઇ માહિતિ કે જાણકારી હોય તો નિઝર પોલીસ મથકનો સંપર્ક કરશો.
About The Author
