સોનગઢનાં ચાંપાવાડી ગામેથી એકડીવા ચાલકને પાંચ હજારનાં વિદેશી દારુ સાથે ઝડપી લીધો : એક વોન્ટેડ
(પ્રતિનિધિ દ્વારા , વ્યારા) : તાપી જીલ્લા એલ.સી.બી.એ આજે સવારે ચાંપાવાડી ગામેથી મોપેડ ઉપર વિદેશી દારૂની હેરાફેરી કરતા મોપેડ ચાલકને ઝડપી લીધો હતો, જયારે વિદેશી દારૂ ભરાવી આપનારને વોન્ટેડ -જાહેર કર્યો છે.
તાપી જીલ્લા એલ.સી.બી.ની ટીમ આજે તા .૦૯ મીનાં રોજ સવારે ૧૦ કલાકે પેટ્રોલીંગમાં હતી તે દરમ્યાન સોનગઢ તાલુકાનાં ચાંપાવાડી ગામ તરફ જતા રસ્તા ઉપરથી એકટીવા મોપેડ નં. જી.જે. ર૬ કયુ. ૯૩૮૦ ઉપર વગર પાસ પરમીટે લઈ જવાતો ભારતીય બનાવટનો વિદેશી દારૂ ડીએસપી બ્લેક ડીલક્ષ વ્હીસ્કીની બાટલી નંગ -૪૮ જેની અંદાજીત કિંમત રૂા. ૪૮૦૦/- તેમજ રોકડા રૂા. ૭૩૦૦/- તથા એક મોબાઈલ કિં.રૂા. ૫૦૦/- મળી કુલ કિં.રૂા. ૧ ર૬૦૦/- ના મુદ્દામાલ સાથે દાઉદકુમાર સુમુએલભાઈ ગામીત ઉ.વ. ૩૪, મૂળ રહે. મોટા તારપાડા નિશાળ ફળિયું તા. સોનગઢ હાલ રહે. નાની ચીખલી નાગદેવ ફળીયું, તા. વ્યારા જી. તાપીને ઝડપી લીધો હતો જયારે આ વિદેશી દારૂનો મુદ્દામાલ ભરાવી આપનાર અક્ષયભાઈ ગામીત રહે. રાણીઆંબા, તા. સોનગઢને વોન્ટેડ જાહેર કરાયો છે.
જે અંગે તાપી જીલ્લા એલ.સી.બી.માં ફરજ બજાવતાં અ.હે.કો. જયેશભાઈ લીલકીયાભાઈની ફરિયાદના આધારે સોનગઢ પોલીસ મથકે ગુનો દાખલ કરાયો છે. જેની વધુ તપાસ સોનગઢ પોલીસ મથકનાં એ.એસ.આઈ. ઠાકોરભાઈ રણછોડભાઈ કરી રહયાં છે .
About The Author
