સોનગઢનાં રાણીઆંબા ગામેથી કડોદરાનાં લિસ્ટેડ બુટલેગરને બીયરનાં જથ્થા સાથે તાપી પોલીસે ઝડપી પાડ્યો : બે વોન્ટેડ
(પ્રતિનિધિ દ્વારા, વ્યારા) : તાપી જીલ્લા પોલીસે રાણીઆંબા ગામેથી કડોદરાના લીસ્ટેડ બુટલેગરને ટોયટા ફોર્ચ્યુનર ગાડીમાં બિયરનાં જથ્થા સાથે ઝડપી પાડ્યો હતો જ્યારે આ જથ્થો આપનાર તથા મંગાવનાર બંનેને વોન્ટેડ જાહેર કરવામાં આવ્યા છે.
સોનગઢ પોલીસ મથકેથી પ્રાપ્ત થતી માહિતી મુજબ, તાપી જીલ્લાના સોનગઢ તાલુકાંનાં રાણીઆંબા ગામે આવેલ રેલ્વે ફાટક પાસેથી તા. 06 ઓક્ટોબરનાં રોજ સવારે 10:30 કલાકે જિલ્લા પોલીસે કડોદરા પો.સ્ટે વિસ્તારના લીસ્ટેડ બુટલેગર ઠાકોરભાઇ દિનેશભાઇ રાઠોડ રહે ૨/૮૧ હળપતિવાસ નિયોલ તા. પલસાણા જી. સુરતને વગર પાસ પરમીટે તેના કબજાની ટોયટા ફોર્ચ્યુનર ગાડી નં GJ 19 AM 5887માં સીટના ભાગે ભારતીય બનાવટના હાયવર્ડ પ૦૦૦ સ્ટોગ બીયર કાચની બોટલ નં -૧૨૦ મળી કુલે ૭૮ લીટર કિં.રૂ. ૧૨,૦૦૦/- તથા ટોયટા ફોર વ્હીલ ગાડીની કિ.રૂ. ૧૨,૦૦,૦૦૦/- તથા સેમસંગ કંપનીનો મોબાઇલ નંગ -૧ કિ.રૂ. ૧૦,૦૦૦/- રોકડા રૂ. ૭૫૦/- મળી કુલે કિ.રૂ. ૧૨,૨૨,૭૫૦/- ના મુદામાલ સાથે ઝડપી પાડયો હતો. બિયરનો જથ્થો આપનાર નવાપુર (મહા.)ના કાકા વાઇનશોપના એક ઇસમ જેનું નામ ઠામની ખબર નથી તેમજ બિયરનો જથ્થો છૂટક વેચાણ માટે મંગાવનાર દિપીકાબેન w / O ઠાકોરભાઇ દિનેશભાઇ રાઠોડ રહે ૨/૮૧ હળપતિવાસ નિયોલ તા.પલસાણા જી. સુરતને વોન્ટેડ જાહેર કરવામાં આવ્યા છે. જે અંગે તાપી જીલ્લા નાયબ પોલીસ અધિક્ષક, વ્યારા વિભાગમાં ફરજ બજાવતા હે.કો. સંદિપભાઇ હીરાલાલની ફરિયાદનાં આધારે સોનગઢ પોલીસે ગુનો નોંધી આગળની કાર્યવાહી હાથ ધરી છે.
About The Author
