વરાછા વિસ્તારમાં ભટકતી મળી આવેલી વૃદ્ધ મહિલાને 181 અભયમ ટીમે સુરક્ષિત આશ્રય અપાવ્યો
181 અભયમ મહિલા હેલ્પલાઇનની તાત્કાલિક કામગીરીથી વૃદ્ધ મહિલાને કાઉન્સેલિંગ, પોલીસ સમન્વય અને સુરક્ષિત આશ્રયની મદદ મળી
(રહિમ પઠાણ દ્વારા, સુરત) : તા. ૧૪. સુરત શહેરના વરાછા વિસ્તારમાં છેલ્લા ત્રણ દિવસથી એક વૃદ્ધ મહિલા ભટકતી હાલતમાં જોવા મળતી હોવાની માહિતી મળતા 181 અભયમ મહિલા હેલ્પલાઇન ટીમ દ્વારા તાત્કાલિક સ્થળ પર પહોંચી મહિલાની સુરક્ષા અને સંભાળ માટે જરૂરી કામગીરી હાથ ધરવામાં આવી હતી.
181 અભયમ ટીમ સ્થળ પર પહોંચી મહિલાની સાથે શાંતિપૂર્વક અને સહાનુભૂતિપૂર્વક વાતચીત કરી તેમની ઓળખ, પરિવારજનો તથા રહેઠાણ અંગે માહિતી મેળવવાનો પ્રયાસ કર્યો હતો. મહિલાએ પોતાનું નામ સુનંદાબેન હોવાનું અને તેમની ઉંમર આશરે 60 વર્ષ હોવાનું જણાવ્યું હતું. મહિલા મરાઠી ભાષા બોલતા હતા. વાતચીત દરમિયાન તેમણે સંતાનો અંગે માહિતી આપી હતી, પરંતુ હાલ તેમના પુત્ર ક્યાં રહે છે અથવા તેમનો સંપર્ક કેવી રીતે કરવો તે અંગે તેઓ ચોક્કસ માહિતી આપી શકતા ન હતા.
181 અભયમ ટીમે મહિલાની પરિસ્થિતિને સમજતા ધીરજપૂર્વક કાઉન્સેલિંગ કર્યું અને તેમનો વિશ્વાસ કેળવ્યો હતો. કાઉન્સેલિંગ દરમિયાન મહિલાને સાંત્વના આપી તેમની સલામતી અંગે જરૂરી સમજ આપવામાં આવી હતી. સાથે જ પરિવારજનો અંગે ઉપલબ્ધ થઈ શકે તેવી વધુમાં વધુ માહિતી મેળવવાનો પ્રયાસ કરવામાં આવ્યો હતો.
સ્થાનિક લોકો પાસેથી માહિતી મેળવતા જાણવા મળ્યું હતું કે મહિલા છેલ્લા ત્રણ દિવસથી વરાછા વિસ્તારમાં આવેલી શાક માર્કેટ પાસે બેઠેલી જોવા મળતી હતી. મહિલાની ઉંમર, નબળી શારીરિક સ્થિતિ અને પરિવારજનો અંગેની અપૂરતી માહિતી ધ્યાનમાં લેતા 181 અભયમ ટીમે તેમની સુરક્ષાને સર્વોચ્ચ પ્રાથમિકતા આપી હતી.
મહિલાની ઓળખ અને પરિવારજનો અંગે ચોક્કસ માહિતી મળી ન આવતા 181 અભયમ ટીમ દ્વારા નજીકના પોલીસ સ્ટેશનને સમગ્ર ઘટનાની જાણ કરવામાં આવી હતી. મહિલાની સ્થિતિ, ઉપલબ્ધ ઓળખ સંબંધિત માહિતી તેમજ પરિવારજનો અંગે મળેલી વિગતો પોલીસ સાથે શેર કરવામાં આવી હતી. પરિવારજનો અથવા વાલી મળી આવે તો જરૂરી કાર્યવાહી કરી મહિલાને સુરક્ષિત રીતે પરિવાર સાથે પુનઃમિલન કરાવી શકાય તે માટે પોલીસ સાથે સંકલન કરવામાં આવ્યું હતું.
મહિલાની હાલની પરિસ્થિતિને ધ્યાનમાં રાખીને તેમને રસ્તા પર એકલા રાખવા યોગ્ય ન હોવાથી 181 અભયમ ટીમ દ્વારા સુરક્ષિત આશ્રયની વ્યવસ્થા માટે જરૂરી કામગીરી કરવામાં આવી હતી. કંચનબેનના સહયોગથી મહિલાને સુરક્ષિત આશ્રયસ્થળે પહોંચાડવામાં આવ્યા હતા, જ્યાં તેમની સલામતી અને જરૂરી સંભાળ સુનિશ્ચિત થઈ શકે.
વૃદ્ધ અને અસહાય મહિલાની સુરક્ષા તથા સન્માન જળવાઈ રહે તે માટે 181 અભયમ ટીમ દ્વારા જરૂરી માર્ગદર્શન આપવામાં આવ્યું હતું. મહિલાઓ કોઈપણ પ્રકારની હિંસા, શોષણ, ત્યાગ અથવા અસુરક્ષાની પરિસ્થિતિમાં હોય ત્યારે 181 અભયમ મહિલા હેલ્પલાઇન મારફતે મદદ મેળવી શકે છે. જરૂરિયાત મુજબ પોલીસ તથા સંબંધિત તંત્ર સાથે સંકલન કરીને મહિલાને સુરક્ષા અને જરૂરી સહાય ઉપલબ્ધ કરાવવાની કામગીરી કરવામાં આવે છે.
181 અભયમ મહિલા હેલ્પલાઇનનો મુખ્ય ઉદ્દેશ મુશ્કેલીમાં રહેલી મહિલાઓને તાત્કાલિક સહાય, કાઉન્સેલિંગ, સુરક્ષા, માર્ગદર્શન તથા જરૂરી સેવાઓ સાથે જોડાણ પૂરું પાડવાનો છે. આ ઘટનામાં પણ 181 અભયમ ટીમે સ્થળ પર પહોંચી મહિલાની સ્થિતિ સમજવા, સંવેદનશીલ કાઉન્સેલિંગ કરવા, પરિવારજનો અંગે માહિતી મેળવવા, પોલીસ સાથે સંકલન કરવા તથા અંતે મહિલાને સુરક્ષિત આશ્રય સુધી પહોંચાડવાની કામગીરી હાથ ધરી હતી.
આ સમગ્ર કામગીરીના પરિણામે રસ્તા પર ભટકતી અને પરિવારજનો અંગે ચોક્કસ માહિતી આપી શકતી ન હોય તેવી વૃદ્ધ મહિલાને અસુરક્ષિત પરિસ્થિતિમાંથી બહાર કાઢી સુરક્ષિત વાતાવરણ અને જરૂરી સંભાળ ઉપલબ્ધ કરાવવામાં આવી હતી.
*અપીલ*
ફોટામાં દર્શાવેલી વૃદ્ધ મહિલાને જો કોઈ ઓળખતું હોય અથવા તેમના પરિવારજનો અંગે કોઈ માહિતી ધરાવતું હોય, તો નજીકના પોલીસ સ્ટેશન અથવા 181 અભયમ મહિલા હેલ્પલાઇનનો સંપર્ક કરી મહિલાને તેમના પરિવારજનો સાથે પુનઃમિલન કરવામાં સહયોગ આપવા વિનંતી છે.
○○○
સૌથી મહત્વપૂર્ણ બાબતથી ચૂકશો નહીં.
👉🏻 ગુજરાત રક્ષા હમણાં જ ડાઉનલોડ કરો અને માહિતીની શક્તિથી સુરક્ષિત રહો !
_______________
About The Author
