વ્યસની પતિને કાયદાનું ભાન કરાવી પતિ પત્ની વચ્ચે સુખદ સમાધાન કરાવતી તાપી 181 અભયમ મહિલા હેલ્પલાઇન ટીમ

Contact News Publisher

(પ્રતિનિધિ દ્વારા, વ્યારા) : સોનગઢ તાલુકાના એક ગામમાંથી એક મહિલાએ 181 મહિલા હેલ્પલાઇન પર ફોન કરી પોતાની આપવીતી જણાવી હતી. મહિલાએ જણાવ્યું હતું કે એના પતિ વ્યસન કરી હેરાનગતિ કરે છે. જે હેરાનગતિમાંથી મુક્ત કરવા વિનંતી કરી હતી. જે ઘટના બાબતે તાપી 181 અભયમ રેસક્યુ ટીમ તાત્કાલિક તાપીથી નીકળી સ્થળ પર પહોંચી હતી અને પતિ દ્વારા હેરાનગતિ કરતા અટકાવવામાં આવ્યા હતા.

પીડિતબેન પાસેથી સમગ્ર માહિતી મેળવતા જણાવેલ કે તેઓએ તેમના પતિ સાથે પ્રેમ લગ્ન કર્યા છે. લગ્નના 15 વર્ષ થયેલ છે. અને સંતાનમાં બે છોકરાઓ છે પીડિતબેનના પતિ ઘર જમાઈ થઇને આવેલ છે. કોઈપણ કામ ધંધો કરતા નથી, પીડિત બેન મજુરી કામ કરી ગુજરાન ચલાવે છે. પીડીતબેનના પતિ દરરોજ વ્યસન કરીને આવીને અપશબ્દો બોલી હેરાનગતિ કરે છે. પીડિતબેન પોતે તેમના પતિને વ્યસન ન કરવા સમજાવતા પરંતુ તેમના પતિ સમજતા ન હોવાથી 181 ની ટીમની મદદ લીધી હતી. આમ તેમના પતિને 181 ટીમ દ્વારા વ્યસન સ્વાસ્થ્ય માટે હાનિકારક છે અને આવી રીતે વ્યસન કરવુ ન જોઈએ, સાથે જ કાયદાકીય સમજ આપી વ્યસન કરી લડાઈ ઝગડો ના કરે તેવી ખાતરી આપી હતી. વધુમાં સમજાવતા પતિ પિડીતબેનને સારી રીતે રાખવા માટે તૈયાર થયા હતા. આમ પિડીતાને વહારે આવી 181 મહિલા અભયમ ટીમે ઘર સંસાર તૂટતો બચાવ્યો હતો. પીડીત મહિલાને મળેલ મદદ બદલ અભયમનો આભાર માન્યો હતો.

 

 

વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.

About The Author

Leave a Reply

Your email address will not be published. Required fields are marked *

Other