વિશાલાડ વણિક સમાજ દ્વારા તાપી જિલ્લામાં શ્રેષ્ઠ શૈક્ષણિક કામગીરી બજાવનાર આચાર્ય કેતન શાહનું બહુમાન કરાયું
(પ્રતિનિધિ દ્વારા, વ્યારા) : આજરોજ વ્યારા વિશાલાડ વણિક સમાજ દ્વારા સમાજના સ્નેહ મિલન સમારોહ પ્રસંગે બે દિવસીય જુદી જુદી રમતોત્સવ સ્પર્ધા લીંબુ ચમચો, સ્લો મોપેડ, સંગીત ખુરશી, ડબ્બફોડ, ચેસ કેરમમાં સમાજના લોકો દ્વારા મોટી સંખ્યામાં ભાગ લઈ સ્પર્ધકોનું ઈનામ વિતરણ તથા સમાજના અગ્રણીઓ દ્વારા શ્રેષ્ઠ સફળ કામગીરી કરી તેવા આચાર્ય કેતન શાહને સમાજના પ્રત્યેક સભ્યો દ્વારા સ્ટેન્ડિંગ ઓવેશનમાં પુષ્પ ગુચ્છ આપી બહુમાન કરવામાં આવ્યું. આ પ્રસંગે આચાર્ય કેતન શાહ દ્વારા પ્રતિક્રિયા આપતા જણાવ્યું હતુ કે, સમાજનો હું ઋણી રહીશ સમાજે મારું સન્માન કર્યું તેમજ મારી કામગીરીથી તાપી જિલ્લામાં શૈક્ષણીક સામાજીક ચેતના ઊજાગર થઈ જેમાં BIS સંસ્થા દ્વારા પ્રમાણિત ગુણવત્તા યુક્ત વસ્તુ વાપરવાનો આગ્રહ તથા જાગૃતતા ફેલાવવાનો સંનિષ્ઠ પ્રયાસ હાથ ધરવામાં પ્રચાર પ્રસાર અને અવેરનેસ કરી દરેક માધ્યમીક શાળાઓમાં સ્ટાન્ડર્ડ કલબ સ્થાપી ઉત્તમ કામ કર્યું. આમ સમાજ ઉત્થાન બદલ બહુમાન કર્યું તે માટે સૌનો આભાર વ્યક્ત કર્યો હતો. સમાજના ટ્રસ્ટીઓ હસમુખ શાહ, રાકેશ શાહ, વિજય કાચવાલા પ્રમૂખ દિલીપ ગુજરાતી, દક્ષેશ શાહ, હિમાંશુ શાહ હોદ્દેદારો તેમજ સમાજનાં તમામ સભ્યો હાજર રહ્યા હતાં.
વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.
About The Author
