૧૨મી ઓગસ્ટે સવારે ૭:૦૦ કલાકે સયાજી ગ્રાઉન્ડ વ્યારા ખાતેથી ભવ્ય તિરંગા યાત્રા યોજાશે
Contact News Publisher
તાપી જિલ્લામાં લહેરાશે “હર ઘર તિરંગા”
–
(પ્રતિનિધિ દ્વારા, વ્યારા) : તા. ૧૧* “હર ઘર તિરંગા” કાર્યક્રમ અંતર્ગત તાપી જિલ્લાના વ્યારા નગરપાલિકા દ્વારા તા. ૧૨ ઓગસ્ટ ૨૦૨૪ ને સવારે ૭:૦૦ કલાકે સયાજી ગ્રાઉન્ડ ખાતેથી ભવ્ય તિરંગા યાત્રાનું આયોજન કરવામાં આવ્યું છે. જે સયાજી ગ્રાઉન્ડ ખાતેથી નીકળી સુરતી બજાર, રામા રીજન્સી, જૂના બસ સ્ટેન્ડ થઈને ફરી સયાજી ગ્રાઉન્ડ પરત ફરશે. આ ભવ્ય તિરંગા યાત્રા થકી વ્યારા નગર સહીત તાપી જિલ્લાનું વાતાવરણ દેશ પ્રેમમાં રંગાઈ જશે.
આઝાદીની ઉજવણીને યાદગાર બનાવવા તેમજ લોકોમાં દેશપ્રેમની ભાવના ઉજાગર કરતી આ ભવ્ય તિરંગા યાત્રામાં નગરજનો સહભાગી થાય તે માટે વ્યારા નગરપાલિકાએ નગરજનોને અનુરોધ કર્યો છે.
નોંધનીય છે કે,તારીખ ૧૩ મી ઓગસ્ટે સોનગઢ નગરપાલિકા દ્વારા ભવ્ય તિરંગા યાત્રાનું આયોજન કરાશે.
000
About The Author