હળપતિ સમાજનાં દીકરા યશ રાઠોડે ગોલ્ડ મેડાલિસ્ટ બની ઓલપાડ તાલુકાનું નામ રોશન કર્યુ
ઓલપાડ તાલુકાનું ગૌરવ : યશ રાઠોડે ઈકોનોમિક્સ ડિપાર્ટમેન્ટમાં ગોલ્ડ મેડલ હાંસલ કર્યો
(પ્રતિનિધિ દ્વારા, ઓલપાડ) : ઓલપાડ તાલુકાનાં અસનાડ ગામનાં હળપતિ સમાજનાં તેજસ્વી વિદ્યાર્થી યશ ભોલેનાથ રાઠોડે આણંદની એન.એસ.પટેલ આર્ટસ કોલેજમાં ટોપર રહી ગોલ્ડ મેડલ હાંસલ કરી પોતાનાં પરિવાર, સમાજ, ગામ સહિત ઓલપાડ તાલુકાનું નામ રોશન કરેલ છે.
ગ્રેજ્યુએશનની અંતિમ પરીક્ષામાં એ ગ્રેડ હાંસલ કરવા સાથે આ વિદ્યાર્થીએ ઈકોનોમિક્સ ડિપાર્ટમેન્ટમાં ગોલ્ડ મેડાલિસ્ટ તરીકે ઝળહળતી સિદ્ધિ મેળવી છે જે ગૌરવપદ બાબત છે. આ સિદ્ધિને પગલે અસનાડ ગામની પ્રાથમિક શાળાનાં આચાર્ય નિલેશભાઈ પટેલે ઉત્સાહભેર જણાવ્યું હતું કે ગરીબ પરિવારનો આ વિદ્યાર્થી યશ રાઠોડે પોતાનું પ્રાથમિક અને માધ્યમિક શિક્ષણ અત્રેની શાળાઓમાં જ પ્રાપ્ત કર્યુ હતું જે અમારા માટે ગર્વની વાત છે. પોતાની ધગશ અને મહેનતનું પરિપાકરૂપે તેણે મેળવેલી સિદ્ધિ અભિનંદનને પાત્ર છે જે અન્ય વિદ્યાર્થીઓ માટે ચોક્કસ પ્રેરણારૂપ બની રહેશે.
About The Author
