કુસુમ જયેશ ભૂલકા ભવન ગીતા રમેશ પ્લે સ્કૂલમાં સમર કેમ્પ યોજાયો
(પ્રતિનિધિ દ્વારા, વ્યારા) : શ્રી ર.ફ.દાબુ કેળવણી મંડળ સંચાલિત કુસુમ જયેશ ભૂલકા ભવન ગીતા રમેશ પ્લે સ્કૂલમાં તારીખ 22 /04/24 થી 27/04/24 સુધી સમર કેમ્પનું આયોજન કરવામાં આવ્યું હતું. આ સમર કેમ્પની શુભ શરૂઆત વડીલ શ્રી મહેશકાકા તથા શ્રી ડિમ્પલબેન શાહ તથા આચાર્ય પરવીનબેન દોરડીના વરદ હસ્તે રીબીન કાપી અને બાળકોને કેક ખવડાવીને કરવામાં આવી હતી.
આ સમર કેમ્પમાં વિવિધ ડે જેવા કે બર્થ ડે સેલિબ્રેશન ડે , યોગા ડે, સ્ટોરી એન્ડ ડાન્સ ડે, પપેટ શો ડે, સ્પોર્ટ ડે, હેલ્થ સેમિનાર ડે, લીફ એન્ડ ક્રાફ્ટ ડે, પિકનિક ડે અને આનંદ મેળાનું આયોજન કરવામાં આવ્યું હતું. આ સમર કેમ્પ દરમિયાન બાળકો અને વાલીમિત્રો દ્વારા “મારું ભૂલકા ભવન ” થીમ દ્વારા ભૂલકા ભવન પણ બનાવવામાં આવ્યું હતું. જેમાં વાલી મિત્રોની સરસ આવડત અને મહેનત જોવા મળી હતી. સુનીતાબેન ગામીત દ્વારા પપેટ શો બતાવવામાં આવ્યો હતો જેમાં બાળકોને માતા-પિતા અને ગુરુની આજ્ઞા વિશેની સમજ આપવામાં આવી હતી. બાળકો માટે સ્પોર્ટ ડે નું પણ આયોજન કરવામાં આવ્યું હતું જેમાં બાળકોને વિવિધ રમતો રમાડવામાં આવી હતી અને વિજેતા બાળકોને ઇનામ આપવામાં આવ્યા હતા. બાળકોએ પણ આ સમર કેમ્પ દરમિયાન વિવિધ પ્રવૃત્તિઓમાં ખૂબ જ સરસ ઉત્સાહ અને ઉમંગ બતાવ્યો હતો. હેલ્થ સેમિનારમાં ડોક્ટર સ્નેહાબેન દ્વારા માર્ગદર્શન આપવામાં આવ્યું હતું અને બાળકોને પ્રોત્સાહિત કરવા માટે તેમના દ્વારા બાળકોને ગિફ્ટ પણ આપવામાં આવી હતી. સમગ્ર કેમ્પમાં ભૂલકા ભવન પરિવાર નાના ભૂલકાઓ અને વાલી મિત્રોનો અનેરો સાથ સહકાર રહ્યો હતો.
About The Author
